rKTs

e-texts navigator

Volume

Page

276a₁ lags/ bcom ldan 'das kyis bka' stsal pa/ sman gyi sde sems can gzhon pa yang yod/ rgan pa yang yod do/ /gsol pa/ bcom ldan 'das gzhon pa gang lags/ rgan pa gang lags/ bcom ldan 'das kyis
276a₂ bka' stsal pa/ gang dag da ltar lhung ba de dag ni rgan pa'o/ /gang dag shing rnams las skyes pa de dag ni gzhon pa'o/ /gsol pa/ bcom ldan 'das sems can gzhon nu rnams mthong bar 'tshal lo/ /de nas de bzhin gshegs pa
276a₃ zla ba can gyi zhing gis phyag g.yas pa'i mthil brkyang ba dang / de nas phyogs bcu nas skye bo'i tshogs bye ba stong phrag brgya brgya 'ong ngo / /'og dang steng gi phyogs nas skye bo'i tshogs bye ba phrag lnga bcu 'ong ste/ skye bo'i tshogs de
276a₄ dag lhags nas kyang bcom ldan 'das kyi zhabs la mgo bos phyag 'tshal nas/ de bzhin gshegs pa la mi smra/ kun du mi smra zhing cang mi zer bar 'khod do/ /de nas bcom ldan 'das la byang chub sems dpa'
276a₅ sems dpa' chen po sman gyi sdes 'di skad ces gsol to/ /bcom ldan 'das ci'i slad du sems can de dag de bzhin gshegs pa la mi smra/ kun du mi smra zhing cang mi mchi bar mchis/ bcom ldan 'das kyis bka' stsal pa/
276a₆ sman gyi sde khyod mi shes sam/ sa phyogs ni sems pa med de mi smra/ kun du mi smra zhing chos kyi phung po yang mi shes so/ /de ci'i phyir zhe na/ sman gyi sde 'di la sems can gzhon nu kha cig ni mthong yang skye ba mi shes/ 'gag pa dang /
276a₇ rga ba dang / nad dang / mya ngan dang / smre sngags 'don pa dang / sdug pa dang bral ba dang / mi sdug pa dang phrad pa dang / mdza' ba dang bye ba dang / 'chi ba dang / dus ma yin par 'chi ba dang / sdug bsngal mi bzad pa de dag thams cad mi shes te/
276a₈ mthong yang yid 'byung bar mi 'gyur na shes par lta ga la 'gyur te/ sman gyi sde de dag yang dang yang bslab par bya'o/ /de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /

_{iiif viewer powered by OpenSeadragon}

275b - 276b

Texts on this page