| e-texts navigator |
| བོད་ཡིག |
275b1 byung ba sus mthong sus thos/ bcom ldan 'das kyis bka' stsal pa/ sman gyi sde gang sems pa med pa'i shing las mi 'byung ba khyod kyis ma mthong ma thos sam/ gsol pa/ bcom ldan 'das bdag gis ma mthong ma thos so/ /bcom
275b2 ldan 'das kyis bka' stsal pa/ sman gyi sde khyod mthong bar 'dod na deng ngas bstan par bya'o/ /gsol pa/ bcom ldan 'das 'tshal lo/ /bde bar gshegs pa 'tshal lo/ /de nas de bzhin gshegs pa zla ba can gyi zhing nas
275b3 phyag rkyang ba dang phyag de las skye bo'i tshogs bye ba stong phrag brgya byung ste/ skye bo'i tshogs re res kyang lag pa brgya brgya brkyang nas spos dang / phreng ba dang / byug pa sna tshogs de bzhin gshegs pa la gtor ba dang / bcom ldan 'das kyis bka' stsal
275b4 pa/ sman gyi sde khyod kyis skye bo'i tshogs 'dis de bzhin gshegs pa la spos dang / phreng ba dang / byug pa gtor ba mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan
275b5 'das kyis bka' stsal pa/ skye bo'i tshogs byung ba 'di dag ni sems pa med pa'o/ /mi 'di dag ni sems pa med pa'o/ /de nas mi bye ba stong phrag brgya po de dag re re zhing yang gang lag pa brgya brgya yod pa de dag thams cad lhung ngo / /de nas
275b6 byang chub sems dpa' sems dpa' chen po sman gyi sdes de mthong nas/ bcom ldan 'das la 'di skad ces gsol to/ /bcom ldan 'das 'di ci zhig lags/ bde bar gshegs pa 'di ci zhig lags/ gang mi rnams kyi lag pa
275b7 brgya po yang yud tsam gyis lhung ste/ bcom ldan 'das gal te lag pa brgya pa yang grol bar mi 'gyur na/ lag pa gnyis pa'i mi lta smos kyang ci 'tshal/ bcom ldan 'das kyis bka' stsal pa/ sman gyi sde de bzhin du sems can
275b8 rnams ni sems pa med par skye'o/ /sems pa med par 'gag go/ /sman gyi sde de'i lus kyang sems pa med par gyur par shes par bya'o/ /gsol pa bcom ldan 'das gang sems can de dag la gzhon pa gang lags/ rgan pa gang
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs