| e-texts navigator |
| བོད་ཡིག |
273b1 phyin chad kyang / /mi sdug 'bras bu myong bar 'gyur/ /rgyal pos smras pa/ bdag gis don 'di mi shes kyis/ /dka' thub chen po lung ston cig /bya rnams kyis smras pa/ 'di ni 'jig rten snang byed de/ /rnam par 'dren par
273b2 'gyur ba yin/ /'khor ba'i srid pa'i btson ra las/ /sems can thams cad thar byed pa'o/ /rgyal pos smras pa/ gang gis shing ni ma skyes pa/ /skyes bu gnyis pa de gang yin/ /des ni sdig pa'i las gang byas/ /gnyis skyes
273b3 rnams ni smra bar byos/ /bya rnams kyis smras pa/ gang gi shing ni ma skyes pa/ /de ni lha sbyin glen pa ste/ /dge ba cung zad ma byas na/ /de yi shing ni ji ltar skye/ /de nas de'i tshe de'i dus na blon po bye ba phrag sum bcu po rnams
273b4 kyis chos kyi rnam grangs 'di thos nas thams cad kyang sa bcu la rab tu gnas te/ mngon par shes pa so sor thob par gyur to/ /rgyal po de yang sa bcu la gnas nas dge ba'i chos mngon par rtogs pa rjes su thob bo/ /de nas
273b5 bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ /bcom ldan 'das rgyu gang dang rkyen gang gis blon po bye ba phrag sum bcu rtsa gsum po rnams sa bcu la gnas te/ mngon par
273b6 shes pa so sor thob par gyur/ bcom ldan 'das kyis bka' stsal pa/ sman gyi sde nyon cig dang lung bstan par bya'o/ /de nas de'i tshe bcom ldan 'das 'dzum pa mdzad do/ /de nas de'i tshe bcom ldan 'das kyi zhal gyi sgo
273b7 nas 'od zer kha dog du ma kha dog sna tshogs/ kha dog brgya stong phrag du ma 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu brgyad khri bzhi stong byung
273b8 nas de dag gis 'jig rten gyi khams mtha' yas mu med pa snang bar byas te slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo/ /de nas byang chub sems
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs