| e-texts navigator |
| བོད་ཡིག |
271b1 sum bcu rtsa gsum gyi lha rnams kyi nang du skyes so/ /gsol pa/ bcom ldan 'das rgyu gang dang rkyen gang gis mi de sum bcu rtsa gsum gyi lha rnams dang skal ba mnyam par skyes/ bcom ldan 'das kyis bka' stsal pa/ sman gyi
271b2 sde nyon cig / mi de 'chi ba'i dus kyi tshe de bzhin gshegs pa la sems dad pas sangs rgyas la phyag 'tshal lo zhes lan cig smras te/ sman gyi sde dge ba'i rtsa ba des bskal pa drug bcu'i bar du sum bcu rtsa gsum gyi lha rnams kyi
271b3 bde ba myong bar 'gyur/ bskal pa brgyad bcu'i bar du skye bar tshe rabs dran par 'gyur/ skye ba dang skye bar mya ngan gyi zug rngu thams cad dang bral bar 'gyur ro/ /skyes ma thag tu sdug bsngal thams cad zlog par byed do/ /sems
271b4 can de dag thams cad yongs su mya ngan las bzla bar ni mi nus so/ /gsol pa/ bcom ldan 'das ji ltar sems can thams cad yongs su mya ngan las bzla bar rngo thog pa lags/ bcom ldan 'das kyis bka' stsal pa/
271b5 sman gyi sde brtson 'grus brtsam par bya'o/ /gsol pa/ bcom ldan 'das brtson 'grus brtsam pa gang lags/ bcom ldan 'das kyis bka' stsal pa/ sman gyi sde nyon cig /brtson 'grus shes bya ba ni 'bras bu
271b6 rnams ston pa'o/ /'di lta ste/ rgyun du zhugs pa'i 'bras bu zhes bya ba ni brtson 'grus kyi gnas so/ /lan cig phyir 'ong ba'i 'bras bu zhes bya ba ni brtson 'grus kyi gnas so/ /phyir mi 'ong ba'i 'bras bu zhes bya ba ni
271b7 brtson 'grus kyi gnas so/ /dgra bcom pa nyid kyi 'bras bu dang / dgra bcom pa'i 'bras bu 'gag pa zhes bya ba ni brtson 'grus kyi gnas so/ /rang sangs rgyas kyi 'bras bu dang / rang sangs rgyas kyi 'bras bu'i shes
271b8 pa zhes bya ba ni brtson 'grus kyi gnas so/ /byang chub sems dpa'i 'bras bu dang / byang chub kyi gnas shes bya ba ni brtson 'grus kyi gnas te/ sman gyi sde 'di dag ni brtson 'grus kyi gnas shes bya'o/ /gsol pa/
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs