| e-texts navigator |
| བོད་ཡིག |
271a1 skyin pa ni zhag bcu nas slar 'bul nus na ni legs/ ji ste 'bul ma nus na yang nged khyed kyi bran du khas blangs te las bya'o zhes de skad smras nas de gnyis kyis gser de khyer te mi nyor dong ngo / /de gnyis
271a2 kyis mi nyos nas mi des kyang bdag bsad par ni ma shes so/ /de nas pha ma rmongs par gyur pa de gnyis slar rang gi khyim du ma dong gi lha rten gyi drung du song ste/ lha bon po la da myur du mchod sbyin mdzod cig ces smras so/ /
271a3 de nas pha ma de gnyis bdag nyid kyis phyugs kyang bsad mi de yang bsad do/ /de nas lha bon po des mchod sbyin bya bar bsams te me bus pa dang / de nas lha de babs te khyod kyi bu ni ngas khyer ro zhes smras so/ /de nas
271a4 pha ma de gnyis dga' zhing mgu bas khyab nas bu 'di sos na bdag cag bran du gyur kyang bla zhes smras te/ pha mas lha la mchod sbyin byas nas slar log ste rang gi khyim du phyin nas bu 'chi ba'i dus byas pa mthong ngo / /de nas
271a5 pha ma de gnyis sdug bsngal zhing yi mug pa chen pos snying la mya ngan gyi zug rngu zug ste yi chad par gyur nas de nyid du 'chi ba'i dus byas pa de bzhin du/ sman gyi sde mi dge ba'i grogs po dang bsten par blta'o/ /gsol pa/
271a6 bcom ldan 'das sems can de dag gang du skye ba zhu'o/ /bcom ldan 'das kyis bka' stsal pa/ sman gyi sde kha rog nga la ma 'dri shig /gsol pa/ bcom ldan 'das zhu'o/ /bde bar gshegs pa zhu'o/ /
271a7 bcom ldan 'das kyis bka' stsal pa/ sman gyi sde de la ma ni sems can dmyal ba chen po ngu 'bod du skyes so/ /pha ni sems can dmyal ba chen po bsdus gzhom du skyes so/ /bu ni sems can dmyal ba chen po tsha bar skyes
271a8 so/ /lha bon po ni sems can dmyal ba chen po mnar med par skyes so/ /gsol pa/ bcom ldan 'das mi ma nongs pa de gang du skyes de'i tshe slad ma gang lags/ bcom ldan 'das kyis bka' stsal pa/ sman gyi sde 'di la mi ma nyes pa de ni
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs