rKTs

e-texts navigator

Volume

Page

267b₁ su 'du shes bskyed do/ /lha'i bu bye ba brgya stong phrag du ma yang de bzhin gshegs pa la mngon par 'thor zhing tshig 'di skad du dge sbyong gau ta ma ni rnyed pa chen po'o/ /zhing chen po'o/ /'jig rten gyi mgon no/ /ting nge 'dzin
267b₂ gyi stobs bskyed pa brnyes pa'o/ /mkhas pa mkhas pa tshol ba lags te/ gang sems can 'di lta bu dag thabs mkhas pas mthar gyis 'khor ba las yongs su thar bar mdzad de legs par gsungs pa gcig tsam gyis
267b₃ kyang sems can de snyed cig 'khor ba las yongs su grol lo zhes smras so/ /de nas byang chub sems dpa' sems dpa' chen po sman gyi sde stan las langs nas/ bla gos phrag pa gcig tu gzar te/ pus mo g.yas pa'i lha nga
267b₄ sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das rgyu gang dang rkyen gang gis rigs kyi bu de dag tshig 'di skad 'byin cing rdzu
267b₅ 'phrul mngon par 'du bgyi ba mang po bgyid de/ de bzhin gshegs pa'i bsngags pa mang po mngon par 'du bgyid/ bcom ldan 'das kyis bka' stsal pa/ rigs kyi bu nyon cig /de dag ni nga la bstod pa ma yin gyi/ rang gi
267b₆ lus la bstod cing rang gi lus chos kyi stan dam pa la 'jog par 'gyur/ rang gi lus las chos kyi 'od zer 'byin par 'gyur/ bla na med pa yang dag par rdzogs pa'i byang chub mngon par rdzogs par sangs rgyas par bya ba'i
267b₇ phyir/ sangs rgyas thams cad kyis kyang yongs su bzung bar 'gyur ro/ /mngon par rdzogs par sangs rgyas nas kyang chos ston par 'gyur ro/ /de nas bcom ldan 'das la byang chub sems dpa' sems dpa' chen
267b₈ po sman gyi sdes 'di skad ces gsol to/ /bcom ldan 'das bde bar gshegs pa gdugs mtshan du sems can mang po zhig yongs su grol yang da dung du sems can rnams zad par ma gyur to/ /bcom ldan 'das kyis bka'

_{iiif viewer powered by OpenSeadragon}

267a - 268a

Texts on this page