rKTs

e-texts navigator

Volume

Page

254b₁ sems can de ni tshig pa/ ma rung bar gyur pa/ 'jig rten pa dang / 'jig rten las 'das pa'i chos kyang ma rung bar byas pa yin te/ ji ltar sdong dum tshig pa bzhin du mi de yang bskal pa du ma'i bar du de bzhin du 'gyur ro/ /
254b₂ ji ltar khyim legs par bris pa'i ka gdung tshig na mi mdzes pa ltar mi de yang de ltar 'gyur ro/ /'jig rten 'di na yang mi mdzes so/ /gang dang gang du 'gro ba de dang de dag du yang sems can rnams kyis spyo zhing brdeg pa dang /
254b₃ bkres pa dang / skom pas nyen cing cung zad kyang mi snyed par 'gyur ro/ /de'i phyir sdug bsngal gyi tshor ba myong ste bkres shing skom pa'i rgyu dang spyos pa'i rgyus mchod rten bshig pa dang / mtshams med pa lnga'i las
254b₄ rjes su dran nas de'i phyir bdag gang du 'gro bar 'gyur/ bdag gi skyob pa ni su yin snyam du sdug bsngal la skyo ba'i sems bskyed de de yang 'di snyam du sems so/ /'di na ni bdag gi skyob pa su yang med kyis/ bdag ri dang ri'i sul
254b₅ dag tu song la der 'chi ba'i dus bya'o snyam mo/ /smras pa/ bdag gis sdig pa'i las byas pas/ /rtag tu sdong dum tshig pa bzhin/ /'jig rten 'di na'ang mi mdzes la/ /tshe gzhan na yang mdzes ma yin/ /khyim gyi nang na'ang
254b₆ mi mdzes la/ /phyi rol na yang mdzes ma yin/ /nyes pa'i rgyus ni sdig byas te/ /des ni ngan 'gror 'gro bar 'gyur/ /tshe gzhan du yang sdug bsngal na/ /ngan 'gro 'dir ni gang du gnas/ /mchi mas brnangs par rab ngu nas/ /
254b₇ lha rnams kyis kyang tshig thos so/ /kyi hud 'jig rten pha rol tu/ /ngan 'gror 'gro bas re chad do/ /lha rnams kyis de la smras pa/ skyes bu blun po de snyam du/ /sdug bsngal sems pa thong la sod/ /pha bsad cing ni ma
254b₈ bsad de/ /bdag gis mtshams med lnga byas pas/ /bdag la skyabs dang dpung gnyen med/ /sdug bsngal tshor ba myong bar 'gyur/ /ri yi rtse mor song nas su/ /de nas bdag lus dor bar bya/ /

_{iiif viewer powered by OpenSeadragon}

254a - 255a

Texts on this page