| e-texts navigator |
| བོད་ཡིག |
252b1 dge ba'i las ci zhig bgyis na de bzhin gshegs pa mang po zhig bdag ga la mchis par byon/ bka' stsal pa/ rigs kyi bu nyon cig /khyod kyis mi'i lus thob ste zung gi chos kyi rnam grangs rna lam du thos pas de'i phyir khyod
252b2 kyi bsod nams kyi phung po de snyed skyes so/ /gsol pa/ bcom ldan 'das bdag gi bsod nams kyi phung po yang de snyed du gyur na gang mtha' dag chub par thos pa lta smos kyang ci 'tshal/ bka' stsal pa/ kha rog kha rog kye
252b3 rigs kyi bu tshig bzhi pa'i tshigs su bcad pa'i bsod nams brjod kyis nyon cig / rigs kyi bu 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gsum gyi
252b4 bye ma snyed rnams kyi bsod nams kyi phung pos kyang bsod nams kyi phung po ches mang du bskyed do/ /gang gis de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gsum gyi bye ma snyed
252b5 la mchod pa bas ni gang gis zung gi chos kyi rnam grangs 'di las tshig bzhi pa'i tshigs su bcad pa tsam thos pa de yang bsod nams kyi phung po de bas ches mang du bskyed par 'gyur na/ gang mtha' dag chub par thos pa
252b6 lta ci smos/ rigs kyi bu gang gis zung gi mdo'i chos kyi rnam grangs 'di mtha' dag chub par thos par 'gyur ba nyon cig /gang gis stong gsum gyi stong chen po'i 'jig rten gyi khams thams cad du til btab pa'i
252b7 til gyi 'bru ji snyed pa de snyed kyi 'khor los bsgyur ba'i rgyal por gyur la/ de nas skyes bu phyug cing nor mang la longs spyod chen po dang ldan pa 'ga' zhig yod de de nas skyes bu des 'khor los sgyur ba'i rgyal po de dag la
252b8 sbyin pa byin pas ni gang gis rgyun du zhugs pa gcig la sbyin pa byin pa de ni bsod nams kyi phung po de bas ches mang du bskyed do/ /stong gsum gyi stong chen po'i 'jig rten gyi khams kyi sems can de dag thams cad
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs