rKTs

e-texts navigator

Volume

Page

251b₁ pa rnams 'byung ba ni rnyed par dka'o/ /gsol pa/ bcom ldan 'das rnyed par dka' lags so/ /bde bar gshegs pa rnyed par dka' lags so/ /bcom ldan 'das kyis bka' stsal pa/ kun du dpa' ba de bzhin du zung gi
251b₂ chos kyi rnam grangs 'di yang rnyed par dka'o/ /kun du dpa' ba zung gi chos kyi rnam grangs 'di gang gi rna lam du grag par gyur pa de bskal pa brgyad bcu'i bar du tshe rabs dran par 'gyur ro/ /bskal pa drug khri'i bar du 'khor
251b₃ los sgyur ba'i rgyal po 'thob par 'gyur ro/ /bskal pa brgyad stong gi bar du brgya byin thob par 'gyur ro/ /bskal pa nyi khri'i bar du gnas gtsang ma'i ris kyi lha rnams dang bskal ba mnyam par skye bar 'gyur ro/ /bskal pa
251b₄ sum khri brgyad stong gi bar du tshangs pa chen por 'gyur ro/ /bskal pa dgu khri dgu stong gi bar du log par ltung bar 'gro bar mi 'gyur ro/ /bskal pa 'bum gyi bar du yi dags rnams kyi nang du skye bar mi 'gyur ro/ /bskal
251b₅ pa nyi khri brgyad stong gi bar du dud 'gro rnams kyi nang du skye bar mi 'gyur ro/ /bskal pa khri sum stong gi bar du lha ma yin gyi ris su skye bar mi 'gyur ro/ /mtshon gyis 'chi ba'i dus byed par mi 'gyur ro/ /bskal pa nyi khri lnga
251b₆ stong gi bar du shes rab 'chal par mi 'gyur ro/ /bskal pa bdun stong gi bar du shes rab spyod par 'gyur ro/ /bskal pa dgu stong gi bar du mdzes shing blta na sdug par 'gyur te/ de bzhin gshegs pa'i gzugs
251b₇ kyi sku yongs su grub pa ji lta ba de bzhin du 'gyur ro/ /bskal pa khri lnga stong gi bar du bud med du skye bar mi 'gyur ro/ /bskal pa khri drug stong gi bar du lus la nad kyis btab par mi 'gyur ro/ /bskal pa sum khri lnga stong gi
251b₈ bar du lha'i mig can du 'gyur ro/ /bskal pa khri dgu stong gi bar du klu'i skye gnas rnams su skye bar mi 'gyur ro/ /bskal pa drug khri'i bar du khro ba'i zil gyis non par mi 'gyur ro/ /bskal pa bdun stong gi bar du dbul

_{iiif viewer powered by OpenSeadragon}

251a - 252a

Texts on this page