rKTs

e-texts navigator

Volume

Page

249a₁ sems dpa' bye ba stong phrag sum bcu rtsa dgu byung ste/ de nyid kyi gdugs la bla na med pa yang dag par rdzogs pa'i byang chub mngon par rdzogs par sangs rgyas te/ bcom ldan 'das de bzhin gshegs pa dgra bcom pa yang dag par rdzogs
249a₂ pa'i sangs rgyas de dag la lan gsum bskor ba bgyis pa dang rdzu 'phrul gyis mi gda' bar gyur to/ /bcom ldan 'das sangs rgyas kyi zhing bye ba phrag drug rnams su yang sangs rgyas bcom ldan 'das dag mthong ste/ bcom ldan 'das sangs rgyas
249a₃ kyi zhing de dag dang / sangs rgyas bcom ldan 'das de dag la bdag gis phyag bgyis nas bdag thal byung mchis so/ /bcom ldan 'das sangs rgyas kyi zhing gzhan bye ba phrag brgyad na yang de bzhin gshegs pa yongs su mya ngan las 'da' bar
249a₄ mdzad pa rnams mthong ste/ bdag gis de bzhin gshegs pa de dag la yang phyag bgyis nas thal byung mchis so/ /bcom ldan 'das gzhan yang bdag gis sangs rgyas kyi zhing bye ba phrag dgu bcu rtsa lnga dag na dam pa'i chos nub pa mthong nas
249a₅ bcom ldan 'das bdag de la bsam pa skyes pa dang mchi ma shor to/ /gzhan yang lha dang / klu dang / gnod sbyin dang / srin po dang / 'dod pa'i gzugs can mang po dag ngu zhing mya ngan gyi zug rngu chen pos zug pa yang mthong ste/ de bzhin du
249a₆ bcom ldan 'das gzhan yang sangs rgyas kyi zhing rgya mtsho dang bcas pa/ ri rab dang bcas pa/ sa phyogs dang bcas pa ma lus pa thams cad tshig pa de la yang phyag bgyis nas re thag chad par gyur te mchis so/ /bcom ldan 'das
249a₇ bdag pad ma bla ma'i 'jig rten gyi khams su ma phyin gyi bar der bcom ldan 'das khri bshams pa bye ba brgya stong phrag lnga yang mthong ste/ lho phyogs na khri bshams pa bye ba brgya stong dang / byang phyogs na khri bshams pa bye ba brgya stong dang /
249a₈ shar phyogs na khri bshams pa bye ba brgya stong dang / nub phyogs na khri bshams pa bye ba brgya stong dang / steng gi phyogs na khri bshams pa bye ba brgya stong mthong ste/ bcom ldan 'das khri bshams pa de dag kyang rin po che sna bdun las bgyis pa

_{iiif viewer powered by OpenSeadragon}

248b - 249b

Texts on this page