rKTs

e-texts navigator

Volume

Page

248b₁ bzhag ste/ thabs mkhas pas chos ston par snang ngo / /zhag bdun pa'i nyin mo de bzhin gshegs pa phyag gi mthil brkyang ste/ bcom ldan 'das kyis byang chub sems dpa' sems dpa' chen po kun du dpa' ba pad ma bla ma'i 'jig rten gyi khams nas 'dir
248b₂ 'ong bar mkhyen to/ /byang chub sems dpa' sems dpa' chen po kun du dpa' ba rnams 'gro ba de na rang gi rdzu 'phrul gyi stobs kyi byin gyi rlabs kyis pad ma bla ma'i 'jig rten gyi khams der nyin zhag bdun gyis phyin to/ /nam bcom ldan 'das
248b₃ kyis phyag brkyang ba de'i tshe byang chub sems dpa' kun du dpa' ba bcom ldan 'das kyi spyan sngar 'dug ste/ bcom ldan 'das la lan gsum bskor ba byas nas/ bcom ldan 'das la sems dang zhing bcom ldan 'das ga la ba de logs su
248b₄ thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag phyogs bcu'i 'jig rten gyi khams thams cad du mchis na/ bcom ldan 'das bdag gis rdzu 'phrul gcig gis ni sangs rgyas
248b₅ kyi zhing bye ba stong phrag dgu bcu rtsa dgu dang / rdzu 'phrul gnyis kyis ni bcom ldan 'das bye ba stong mthong ste/ gdugs bdun pa la pad ma bla ma'i 'jig rten gyi khams su phyin nas de'i bar na sangs rgyas kyi zhing mi 'khrugs pa bye ba
248b₆ brgya stong dag kyang mthong ste/ bcom ldan 'das de nas gdod sangs rgyas bcom ldan 'das rnams kyi rdzu 'phrul dang / sangs rgyas kyi zhing bye ba stong phrag dgu bcu rtsa gnyis dag na de bzhin gshegs pa chos ston pa dang / de nyid kyi
248b₇ gdugs la sangs rgyas kyi zhing bye ba stong phrag brgyad bcu dag na de bzhin gshegs pa dgra bcom pa yang dag par rdzogs pa'i sangs rgyas bye ba stong phrag brgyad bcu 'jig rten du byung ba mthong ste/ de bzhin gshegs pa de dag thams cad la
248b₈ phyag bgyis nas slar mchis so/ /bcom ldan 'das de nyid kyi gdugs la sangs rgyas kyi zhing bye ba stong phrag sum bcu rtsa dgu 'das nas/ sangs rgyas kyi zhing bye ba stong phrag sum bcu rtsa dgu po de dag thams cad na yang byang chub

_{iiif viewer powered by OpenSeadragon}

248a - 249a

Texts on this page