rKTs

e-texts navigator

Volume

Page

247b₁ de bzhin pha med ma yang med/ /'brog dgon bzhin du rab tu mthong / /khang pa stong pa gnas med do/ /'di na chu yang ma yod do/ /shing yang med cing bya yang med/ /'di na skye bo ma mthong ste/ /mgon med sdug bsngal tshor ba ni/ /de bzhin gshegs pa ma mthong
247b₂ bas/ /mi bzad chen po myong bar gyur/ /yang de'i tshe na gcer bu pa bye ba phrag bcwa brgyad po de dag stan las langs te pus mo gnyis sa la btsugs nas sgra 'byin cing dbyangs kyis go bar byed do/ /de bzhin gshegs pa thugs rje can/ /rdzogs pa'i sangs
247b₃ rgyas rkang gnyis mchog / bdag cag rnams la phan pa mdzod/ /'gro ba nyam thag bskyab tu gsol/ /de nas bcom ldan 'das kyis 'dzum pa mdzad nas byang chub sems dpa' kun du dpa' ba la bka' stsal pa/ kun du dpa' ba song la gzhan mu
247b₄ stegs can gcer bu pa rnams la chos shod cig / de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das ri nag po ni ri rab ri'i rgyal
247b₅ po la gor ma bkum par rtse mo 'dud na de bzhin gshegs pa bzhugs bzhin du bdag gis ji ltar chos bstan par bgyi/ bcom ldan 'das kyis bka' stsal pa/ kha rog rigs kyi bu de bzhin gshegs pa rnams kyi thabs mkhas pa mang
247b₆ gis kun du dpa' ba song la phyogs bcu'i 'jig rten gyi khams su ltos te de bzhin gshegs pa ga la snang ba dang / de bzhin gshegs pa'i gdan gang du bting ba ltos shig dang / kun du dpa' ba nga nyid kyis gzhan mu stegs can gcer bu
247b₇ rnams la chos bstan par bya'o/ /byang chub sems dpa' kun du dpa' bas gsol pa/ bcom ldan 'das rang gi rdzu 'phrul gyis sam/ 'on te de bzhin gshegs pa'i rdzu 'phrul gyi mthus sam/ su'i rdzu 'phrul gyi mthus mchi bar bgyi/ bcom
247b₈ ldan 'das kyis bka' stsal pa/ kun du dpa' ba rang gi rdzu 'phrul gyi stobs kyi byin gyi rlabs kyis song shig /kun du dpa' ba de bzhin gshegs pa'i mthus ni phyir shog shig /de nas byang chub sems dpa' kun du dpa' ba stan las langs nas/ bcom ldan

_{iiif viewer powered by OpenSeadragon}

247a - 248a

Texts on this page