| e-texts navigator |
| བོད་ཡིག |
247a1 rgyal ba yis/ /'di na zung gi mdo blags pa/ /de dag bsod nams gang yod pa/ /rgyun mi 'chad par brjod gyur kyang / /bsod nams de ni zad mi 'gyur/ /sangs rgyas rnams kyi chos bstan pa/ /rnyed par dka' zhing mtha'
247a2 yas so/ /yang de'i tshe de'i dus na lha bye ba khrag khrig brgya stong phrag brgyad bcu rtsa bzhis zung gi mdo'i chos kyi rnam grangs bstan pa ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom
247a3 ldan 'das gang gi slad du chos kyi gter 'di lta bu bcom ldan 'das kyis 'dzam bu'i gling 'dir bzhag pa ni legs so legs so/ /gzhan gcer bu pa bye ba khrag khrig brgya stong phrag bcwa brgyad bcom ldan 'das ga la ba der lhags
247a4 nas/ bcom ldan 'das la 'di skad ces gsol to/ /kye dge sbyong gA+au ta ma ni rgyal lo/ /bcom ldan 'das kyis bka' stsal pa/ de bzhin gshegs pa ni rtag tu rgyal lo/ /kye mu stegs can gcer bu can dag mu stegs can khyed
247a5 rnams ji ltar rgyal bar 'gyur/ de dag gis smras pa rgyal bar mdzod/ dge sbyong gA+au ta ma ni rgyal bar mdzod/ bcom ldan 'das kyis bka' stsal pa/ ngas khyed rnams la rgyal ba ma mthong ngo / /khyed ni phyin ci log gnas na/ /ji lta bur ni rgyal
247a6 bar 'gyur/ /gcer bu khyed rnams nyon cig dang / /khyed la phan pa brjod par bya/ /byis pa'i blo la bde ba med/ /khyed cag rgyal bar ga la 'gyur/ /ngas ni sangs rgyas spyan gyis su/ /zab mo'i lam yang bstan par bya/ /de nas gcer bu pa de dag
247a7 bcom ldan 'das la khros pas ma dad pa'i sems skyed do/ /de'i tshe de'i dus na lha'i dbang po brgya byin gyis rdo rje gsor ba dang / de nas gcer bu pa bye ba phrag bcwa brgyad po de dag sngangs skrag nas sdug bsngal chen pos nyam thag ste ngu zhing
247a8 mchi ma zag pa dang / de bzhin gshegs pas kyang sku mi snang bar mdzad do/ /de nas gcer bu pa de dag ngu zhing gdong mchi mas gang bas bcom ldan 'das ma mthong nas tshigs su bcad pa 'di dag smras so/ /'di na dpung gnyen su yang med/ /
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs