| e-texts navigator |
| བོད་ཡིག |
246b1 dang mtshungs par 'tshal bar bgyi ba gang lags/ bcom ldan 'das kyis bka' stsal pa/ kun tu dpa' ba chos smra ba de ni de bzhin gshegs pa dang mtshungs par shes par bya'o/ /kun tu dpa' bas gsol pa/ bcom ldan 'das
246b2 chos smra ba gang lags/ bcom ldan 'das kyis bka' stsal pa/ gang zung gi mdo sgrogs pa de ni chos smra ba'o/ /kun tu dpa' bas gsol pa/ bcom ldan 'das gang dag zung gi mdo'i chos kyi rnam grangs
246b3 thos pa de dag kyang 'di lta bu'i bsod nams kyi phung po bskyed par 'gyur na/ gang dag yi ger 'dri ba dang klog pa lta ci smos te/ de dag bsod nams kyi phung po ji tsam zhig bskyed par 'gyur/ bcom ldan 'das
246b4 kyis bka' stsal pa/ kun tu dpa' ba nyon cig 'di lta ste/ dper na phyogs bzhi'i phyogs re rer yang de bzhin gshegs pa dgra bcom pa yang dag par rdzogs pa'i sangs rgyas gang gA'i klung bcu gnyis kyi bye ma snyed
246b5 dag bskal pa bcu gnyis kyi bar du bzhugs shing chos ston te/ zung gi mdo 'di yi ger 'dri ba de'i bsod nams kyi phung po brjod kyang de'i bsod nams kyi phung po'i mtha' rtogs par ram tshig gis brjod par mi nus so/ /sangs rgyas
246b6 bcom ldan 'das gang gA'i klung bzhi bcu rtsa brgyad kyi bye ma snyed kyis kyang yi ger 'dri ba'i bsod nams kyi phung po de brjod par mi nus na/ gang yi ger 'dri ba dang / sems pa dang / klog pa de dag chos kyi
246b7 gter du 'gyur ba lta ci smos/ byang chub sems dpa' kun tu dpa' bas gsol pa/ bcom ldan 'das klog pa'i bsod nams kyi phung po ji tsam/ de nas bcom ldan 'das kyis de'i tshe tshigs
246b8 su bcad pa 'di dag bka' stsal to/ /tshig bzhi tshigs su bcad pa tsam/ /blags pa rnams kyi dge ba gang / /gang gA brgyad bcu rtsa bzhi yi/ /bye ma snyed kyi
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs