| e-texts navigator |
| བོད་ཡིག |
245b1 'das sems can de dag gi 'gro ba gang lags/ tshe slad ma gang lags/ bcom ldan 'das kyis bka' stsal pa/ kun tu dpa' ba sems can dam pa'i chos la smod pa rnams kyi 'gro ba ni mtha' yas te/ tshe phyi ma yang
245b2 mtha' yas so/ /kun tu dpa' ba dam pa'i chos spong ba'i sems can de dag ni bskal par sems can dmyal ba chen po ngu 'bod du tshor ba myong bar 'gyur ro/ /bskal par bsdus gzhom dang / bskal par tsha ba dang /
245b3 bskal par rab tu tsha ba dang / bskal par sems can dmyal ba chen po thig nag dang / bskal par sems can dmyal ba chen po mnar med pa dang / bskal par sems can dmyal ba chen po spu zing zhes byed pa dang /
245b4 bskal par sems can dmyal ba chen po kyi hud zer ba dang / kun tu dpa' ba sems can dmyal ba chen po brgyad po de dag tu bskal pa brgyad kyi bar du sdug bsngal myong bar 'gyur ro/ /de nas bcom ldan 'das la byang chub
245b5 sems dpa' sems dpa' chen po kun tu dpa' bas 'di skad ces gsol to/ /bcom ldan 'das sdug bsngal lags so/ /bde bar gshegs pa sdug bsngal lags so/ /nyan par mi spro'o/ /de nas
245b6 bcom ldan 'das kyis de'i tshe tshigs su bcad pa 'di dag bka' stsal to/ /sems can dmyal bar sems can rnams/ /ji ltar sdug bsngal rab tshor myong / /'jigs pa chen po'i tshig 'di la/ /khyod ni
245b7 nyan par spro ma yin/ /gang zhig dge ba'i las byed pa/ /de ni dge bar 'gyur ba yin/ /gang zhig mi dge'i las byed pa/ /de yang sdug bsngal nyid du 'gyur/ /gang zhig bde rgyu mi shes pa/ /skyes nas
245b8 'chi ba'i sdug bsngal dang / /mya ngan bcings pa'i sdug bsngal gyis/ /byis pa rtag tu sdug bsngal lo/ /gang dag sangs rgyas mchog dran pa/ /mkhas pa rnams ni bde ba yin/ /theg pa che la dad pa yang / /de dag ngan
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs