| e-texts navigator |
| བོད་ཡིག |
244a1 bcom ldan 'das bdag bsod nams kyi phung po ji tsam zhig bskyed par 'gyur/ bcom ldan 'das kyis bka' stsal pa/ kun tu dpa' ba sangs rgyas bcom ldan 'das gang gA'i klung gi bye ma dang mnyam pa rnams kyi
244a2 bsod nams kyi phung po ji snyed par sems can de yang bsod nams kyi phung po de snyed bskyed par 'gyur ro/ /gsol pa/ bcom ldan 'das nam bdag gi zung gi mdo'i chos kyi rnam grangs chen po nyan pa de na/ bcom ldan 'das ngoms ma 'tshal
244a3 to/ /bcom ldan 'das kyis bka' stsal pa/ kun tu dpa' ba khyod chos rnams kyis ngoms mi shes pa ni legs so legs so/ /kun tu dpa' ba nga yang chos rnams kyis ngoms mi shes na/ kun tu dpa' ba byis pa so so'i skye
244a4 bo rnams kyis ngoms mi myong bar bya ba lta ci smos/ kun tu dpa' ba rigs kyi bu 'am rigs kyi bu mo gang la la theg pa chen po la dad pa bskyed pa de bskal pa stong du log par ltung bar 'gro bar mi 'gyur/ bskal pa lnga stong du dud 'gror
244a5 skye bar mi 'gyur/ bskal pa khri nyis stong du blo ngan par mi 'gyur/ bskal pa khri brgyad stong du mtha' 'khob tu skye bo'i nang du skye bar mi 'gyur/ bskal pa nyi khrir rab tu sbyin pa la dpa' bar 'gyur/ bskal pa nyi khri lnga stong du lha'i 'jig
244a6 rten du skye bar 'gyur/ bskal pa sum khri lnga stong du tshangs par spyad pa spyod par 'gyur ro/ /de bskal pa bzhi khrir khyim gyis gnas nas 'byung bar 'gyur/ bskal pa lnga khrir chos 'dzin par 'gyur/ bskal pa drug khri lnga stong du
244a7 'chi ba rjes su dran pa sgom par 'gyur ro/ /kun tu dpa' ba rigs kyi bu 'am/ rigs kyi bu mo de la sdig pa'i las cung zad kyang 'byung bar mi 'gyur ro/ /de la bdud sdig can gyis glags rnyed par mi 'gyur ro/ /nam du yang
244a8 ma'i mngal du skye bar mi 'gyur ro/ /kun tu dpa' ba gang chos kyi rnam grangs 'di thos pa de dag ni gang dang gang du skye yang bskal pa grangs med pa dgu bcu rtsa lngar log par ltung bar 'gro bar mi 'gyur ro/ /bskal pa brgyad khrir
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs