| e-texts navigator |
| བོད་ཡིག |
242b1 de nas bcom ldan 'das kyis de'i tshe 'dzum pa mdzad do/ /de nas byang chub sems dpa' sems dpa' chen po kun tu dpa' ba stan las langs nas/ bcom ldan 'das ga la ba de logs su thal mo sbyar ba btud de/ bcom
242b2 ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags rkyen gang lags/ de nas bcom ldan 'das kyis byang chub sems dpa' sems dpa' chen po kun tu dpa' ba la bka' stsal pa/
242b3 kun tu dpa' ba sems can gang dag 'dir lhags nas bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad ni de bzhin gshegs pa'i spyod yul yongs su sgrub pa grub par 'gyur ro/ /
242b4 byang chub sems dpa' kun tu dpa' bas gsol pa/ bcom ldan 'das rgyu gang dang rkyen gang gis na sems can 'dir lhags pa rnams bla na med pa yang dag par rdzogs pa'i byang chub mngon par rdzogs par 'tshang rgya/
242b5 bcom ldan 'das kyis bka' stsal pa/ kun tu dpa' ba khyod de bzhin gshegs pa la don 'di 'dri bar sems pa ni legs so legs so/ /kun tu dpa' ba de'i phyir 'di la yongs su bsngo ba'i khyad par nyon cig /kun tu dpa' ba sngon
242b6 byung ba 'das pa'i dus bskal pa grangs med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen dpal zhes bya ba rig pa dang zhabs su ldan pa/ bde bar gshegs pa
242b7 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /kun tu dpa' ba de'i tshe de'i dus na nga bram ze'i khye'u zhig tu gyur te/ ngas sems
242b8 can gang dag sangs rgyas kyi ye shes la so sor bkod pa de dag thams cad de'i tshe de'i dus na ri dgas su gyur nas/ ngas de'i tshe de'i dus na 'di skad du da ltar ri dgas gang la la sdug bsngal gyis yongs su gzir bar gyur pa de dag thams cad nga'i
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs