rKTs

e-texts navigator

Volume

Page

242a₁ tshul gyis mtha' rtogs par mi nus so/ /kun tu dpa' ba de'i tshe de'i dus na gang tshig 'di thos nas spro ba chen por 'gyur ba de ni bsod nams kyi phung po dpag tu med pa bskyed par 'gyur ro/ /de nas bcom ldan 'das
242a₂ la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das sems can gang chos kyis yongs su skom par 'gyur ba de dag gang lags/ de skad ces gsol pa dang / bcom
242a₃ ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba sems can gnyis po 'di dag ni chos kyis yongs su skom pa yin te/ gnyis gang zhe na/
242a₄ kun tu dpa' ba 'di lta ste/ gcig ni sems can thams cad la sems mnyam pa'o/ /kun tu dpa' ba gnyis pa ni gang chos thos nas sems can thams cad la mtshungs par yang dag par rab tu ston pa'o/ /byang chub
242a₅ sems dpa' kun tu dpa' bas gsol pa/ bcom ldan 'das chos thos nas sems can thams cad la mtshungs par yang dag par rab tu ston pa gang lags/ bcom ldan 'das kyis bka' stsal pa/ kun tu dpa'
242a₆ ba gcig ni chos thos nas byang chub tu yongs su bsngo ste/ nam byang chub tu yongs su bsngo ba de na sems can thams cad kyi phyir chos kyis yongs su skom pa yin no/ /kun tu dpa' ba gnyis pa ni gang theg pa chen
242a₇ po la 'jug pa ste/ rtag tu yang chos kyis yongs su skom pa yin no/ /de nas lha dang / klu dang / mi dang / lha'i bu mo bye ba stan las langs nas bcom ldan 'das kyi spyan sngar thal mo sbyar te/ bcom ldan 'das
242a₈ la 'di skad ces gsol to/ /bcom ldan 'das bdag cag kyang chos kyis yongs su skom zhing mchis na/ bcom ldan 'das bdag cag dang sems can thams cad kyi bsam pa yongs su rdzogs par mdzad du gsol/

_{iiif viewer powered by OpenSeadragon}

241b - 242b

Texts on this page