| e-texts navigator |
| བོད་ཡིག |
241b1 bka' stsal pa/ kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed rnams kyi bsod nams kyi phung po ji snyed par byang chub sems dpa' sems dpa' chen po de dag
241b2 gi bsod nams kyi phung po yang de snyed bskyed par 'gyur ro/ /kun tu dpa' ba gang dag chos kyi rnam grangs 'di thos pa de dag thams cad ni phyir mi ldog par 'gyur ro/ /de dag thams cad ni de bzhin gshegs pa mthong bar 'gyur ro/ /
241b3 de dag thams cad ni de bzhin gshegs pa mthong ba dang mi 'bral bar 'gyur ro/ /de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de dag thams cad kyis dge ba'i chos
241b4 gang dag 'thob par 'gyur ba de dag la bdud sdig can gyis mi rdzi bar 'gyur ro/ /kun tu dpa' ba gang dag zung gi mdo 'di thos pa de dag thams cad skye ba dang 'gag pa shes par 'gyur ro/ /de nas byang chub sems dpa' de dag thams
241b5 cad de'i tshe stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das la zhus pa/ bcom ldan 'das de bzhin gshegs pa gcig gi bsod nams kyi
241b6 phung po ji snyed cig mchis/ bcom ldan 'das kyis bka' stsal pa/ rigs kyi bu dag sangs rgyas gcig gi bsod nams kyi phung po'i tshad nyon cig /'di lta ste/ dper na rgya mtsho chen po'i chu'i thigs pa dang / 'dzam bu'i
241b7 gling gi rdul phra rab ji snyed pa dang / gang gA'i klung gi bye ma dang mnyam pa de dag thams cad sa bcu la gnas pa'i byang chub sems dpar gyur pa'i byang chub sems dpa' de dag thams cad kyi bsod nams kyi phung po bas ni sangs rgyas
241b8 gcig gi bsod nams kyi phung po ches mang ngo / /gang zung gi chos kyi rnam grangs 'di thos pa'i sems can rnams ni bsod nams kyi phung po de bas kyang ches mang du bskyed par gyur te de'i bsod nams kyi phung po ji snyed pa ni bgrang ba'i
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs