| e-texts navigator |
| བོད་ཡིག |
241a1 dpa' bye ba mang po dag 'dus te/ bcom ldan 'das nyan thos bye ba mang po dang / klu'i rgyal po rnams kyang chos nyan pa'i slad du 'dus nas 'khod cing mchis na/ de bzhin gshegs pa dgra bcom pa yang dag par
241a2 rdzogs pa'i sangs rgyas kyis chos kyi tshul la 'jug pa ji lta bus sems can rgan pa rnams ni thos ma thag tu las kyi sgrib pa thams cad byang bar 'gyur ba dang / sems can gzhon nu rnams ni dge ba'i chos rnams la mngon par brtson
241a3 zhing khyad par du 'phags pa 'thob par 'gyur te/ dge ba'i chos rnams las mi nyams yongs su mi nyams shing yongs su nyams par mi 'gyur ba de lta bu'i chos kyi tshul la 'jug pa de legs par bshad du gsol/ de skad ces gsol pa
241a4 dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba khyod de bzhin gshegs pa la don 'di 'dri bar sems pa ni kun tu dpa' ba legs so legs so/ /
241a5 kun tu dpa' ba khyod de'i phyir legs par rab tu nyon la yid la zung shig dang ngas khyod la bshad do/ /bcom ldan 'das de de bzhin no zhes gsol nas byang chub sems dpa' sems dpa' chen po kun tu dpa' ba bcom ldan 'das kyi ltar
241a6 nyan pa dang / bcom ldan 'das kyis de la 'di skad ces bka' stsal to/ /kun tu dpa' ba zung zhes bya ba'i chos kyi rnam grangs gang da ltar yang 'dzam bu'i gling du spyod pa zhig yod de/ gang la la zhig zung gi chos kyi rnam grangs 'di thos
241a7 na de'i mtshams med pa lnga'i las rnams byang zhing bla na med pa yang dag par rdzogs pa'i byang chub las phyir mi ldog par 'gyur ro/ /kun tu dpa' ba 'di ji snyam du sems/ gang dag gis zung gi mdo 'di thos pa de dag
241a8 de bzhin gshegs pa gcig gi bsod nams kyi phung po ji snyed pa de snyed bskyed par 'gyur ro snyam na yang kun tu dpa' ba de ltar mi blta'o/ /kun tu dpa' bas gsol pa/ 'o na ji ltar blta bar bgyi/ bcom ldan 'das kyis
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs