| e-texts navigator |
| བོད་ཡིག |
240a1 @##/ /rgya gar skad du/ Ar+ya sang g+hA TI sU tra d+har+m+mA par+yA ya/ bod skad du/ 'phags pa zung gi mdo'i chos kyi rnam grangs/ bam po dang po/ sangs rgyas dang byang chub sems dpa' thams cad la phyag 'tshal lo/ /
240a2 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dge slong sum khri nyis stong la 'di lta ste/ tshe dang ldan pa kun shes kauN+D-i n+ya dang / tshe dang
240a3 ldan pa maud gal gyi bu chen po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa sgra gcan 'dzin dang / tshe dang ldan pa bak+ku la dang / tshe dang ldan pa bzang skyong dang / tshe dang ldan pa bzang dpal dang /
240a4 tshe dang ldan pa tsan dan dpal dang / tshe dang ldan pa dug sel dang / tshe dang ldan pa rab 'byor dang / tshe dang ldan pa nam gru dang / tshe dang ldan pa dga' sde dang / de dag la sogs pa dge slong sum khri nyis stong dang / byang chub sems
240a5 dpa' drug khri nyis stong la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po gzhon nu'i dpal
240a6 dang / byang chub sems dpa' sems dpa' chen po gzhon nur gnas pa dang / byang chub sems dpa' sems dpa' chen po gzhon nu bzang po dang / byang chub sems dpa' sems dpa' chen po mi 'bri dang / byang chub
240a7 sems dpa' sems dpa' chen po 'jam dpal dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po blta na sdug dang / byang chub sems dpa'
240a8 sems dpa' chen po sman gyi sde dang / byang chub sems dpa' sems dpa' chen po rdo rje'i sde dang / de dag la sogs pa byang chub sems dpa' sems dpa' chen po drug khri nyis stong dang / lha'i bu khri nyis stong
iiif viewer powered by OpenSeadragon
Texts on this page
J47 - 'phags pa zung gi mdo'i chos kyi rnams grangs