| e-texts navigator |
| བོད་ཡིག |
284b1 dang ni/ /'dul ba'i sbyor bas legs par bslab/ /gang gis legs par bshad pa'i tshig /'di ni mchog gi bkra shis so/ /pha dang ma la bsnyen bkur bya/ /bu dang chung ma rjes su bzung / /mi mthun pa yi las mi bya/ /'di ni
284b2 mchog gi bkra shis so/ /sbyin pa chos kyi spyod pa dang / /gnyen 'dun rnams ni rjes su gzung / /kha na ma tho'i las mi byed/ /'di ni mchog gi bkra shis so/ /sdig la dga' ba spang bar bya/ /chang gi btung ba rnam par spang / /
284b3 gang zhig chos la bag yod pa/ /'di ni mchog gi bkra shis so/ /glo bur bla ma gus par bya/ /byas pa shes shing gus par bya/ /dus su chos ni mnyan par bya/ /'di ni mchog gi bkra shis so/ /tshig ngan pa ni bzod par bya/ /
284b4 dge sbyong rnams ni mthong bar bya/ /dus su chos kyi 'brel gtam bya/ /'di ni mchog gi bkra shis so/ /dka' thub dang ni tshangs spyod bya/ /'phags pa'i bden pa mthong bar bya/ /mya ngan 'das pa mngon sum bya/ /
284b5 'di ni mchog gi bkra shis so/ /'jig rten chos la dris pa na/ /gang zhig sems ni g.yo mi bya/ /mya ngan mi dga' med bzod bya/ /'di ni mchog gi bkra shis so/ /de ltar bshad par byas pa rnams/ /thams
284b6 cad du ni rgyal ba dang / /thams cad du ni zhi bar 'gro/ /de rnams de la mchog bkra shis/ /bcom ldan 'das kyis de skad ces bka' stsal nas/ lha de rnams bcom ldan 'das kyis gsungs pa la mngon par bstod do// //
284b7 bkra shis chen po'i mdo rdzogs s+ho// //'di yi bsod nams las kyis ni/ /sangs rgyas ma thob bar du bdag /sman chen po yi shes rab dang / /'od gtso phyug po'i longs spyod dang / /thams cad sgrol gyi sbyin pa dang / /skye ba
284b8 skye bar bdag la gyur/ /'phags pa chos kyi 'khor lo bskor ba'i mdo/ skyes pa rabs kyi gleng gzhi'i bshad pa/ lcang lo can gyi pho brang gi mdo/ 'dus pa chen po'i mdo/ byams pa'i mdo/ byams pa bsgom pa'i mdo/
iiif viewer powered by OpenSeadragon
Texts on this page
J38 - bkra shis chen po'i mdo