| e-texts navigator |
| བོད་ཡིག |
266b1 bag mar len/ /gtan du gnyis ka bde ba yin/ /rtsod pa med par 'gyur ba yin/ /'bras bu lo tog phun sum tshogs/ /'khril shing gel pa shing gi tshal/ /rtswa ni sor bzhi pa ru skye/ /shin du 'jam pa'i shing bal
266b2 'dra/ /ha cang mi grang mi dro zhing / /char ni mnyam par 'bab pa dang / /rlung ni shin du chung ba dang / /dus tshod mnyam par ldan pa dang / /chu klung tA la mi dman zhing / /de dang de yi sa yi cha/ /sa la rdo ni chung ldan la/ /sran nag sran chung
266b3 tshad tsam mo/ /mu tig 'dra bas yongs su gang / /rgyan rnams bskyed mos tshal dang 'dra/ /dga' zhing yid du 'ong bar 'gyur/ /grong dang grong rdal mang pos gang / /de dang de ni nye ba ru/ /'od ma smyug phran tshal bzhin no/ /bya gag
266b4 'phur ba tsam nyid do/ /dge zhing rgyas la rdzu 'phrul ldan/ /lugs la nye bar 'tshe ba med/ /rtag tu rtse zhing dga' ba dang / /gcig tu bde bas tshim pa dang / /rgyu skar bde bas bskor ba dang / /dga' zhing tshim la rab tu dga'/ /bza'
266b5 dang btung ba mang po za/ /sha chang chu bzhin mang ba ni/ /lha yi pho brang cang lo bzhin/ /khang bzang rgyal po'i pho brang ni/ /nyams dga' sgra mi snyan bzhin no/ /'dzam bu'i gling yang de bzhin gyur/ /de'i dus su byang chub sems dpa'
266b6 byams pa 'di ni bskal pa grangs med pa bcu drug dang bskal pa 'bum phrag gcig lhag tsam du sbyin pa'i pha rol du phyin pa dang / pha rol du phyin pa sum bcu rdzogs par byas nas thams cad sgrol bzhin du skye ba lhag ma'i lus
266b7 sbyin pa chen por byas shing / pha rol du phyin pa yongs su rdzogs par byas te/ de'i lus zhig nas dga' ldan du skye ba rdzogs par byas nas/ sangs rgyas byon par 'gyur ro zhes sgrogs so/ /stong phrag bcu'i 'khor yug gi lha rnams
266b8 ni sangs rgyas byon par 'gyur ro zhes dam 'cha'o/ /phyogs lngar gzigs te dga' ldan gyi lha'i tshogs rnams kyi 'khor gyis bskor la/ dga' ldan nas byon te/ tog ldan zhes bya ba'i rgyal po'i pho brang du/ dung gi rgyal po'i
iiif viewer powered by OpenSeadragon
Texts on this page
J30 - byams pa'i mdo