rKTs

e-texts navigator

Volume

Page

24b₁ shes bya'o/ /de la ye shes de ni 'di'o/ /ye shes de ni 'dis so/ /ye shes de ni 'di'i phyir ro zhes ye shes cung zad kyang bstan par mi nus te/ de'i phyir ye shes de ni ye shes nyid kyis med do/ /ye shes kyang ye shes su mi gnas te/ mi shes pas
24b₂ kyang ye shes shes mi bya'o/ /gal te mi shes pas ye shes shes bya na ni de'i phyir byis pa so so'i skye bo thams cad kyang ye shes can du 'gyur ro/ /gang ye shes dang mi shes pa mi dmigs shing ye shes dang mi shes pa yang dag pa ji lta ba bzhin
24b₃ du yongs su shes pa de nyid ye shes shes bya ste/ ye shes ni ji skad du brjod pa de bzhin du ma yin no/ /de bas na ye shes ni brjod par bya ba ma yin zhing yul thams cad las rab tu 'das pa ste/ ye shes ni gang gi yul yang ma yin no/ /
24b₄ ye shes kyi yul yang gang yang ma yin no/ /rab kyi rtsal gyis rnam par gnon pa ye shes bstan pa yul yang ma yin/ phyogs kyang ma yin pa 'di gang gis shes pa de ni ye shes can nam/ ye shes can ma yin pa zhes bya ba'i grangs su mi 'gro'o/ /rab kyi
24b₅ rtsal gyis rnam par gnon pa gang 'di ltar rab tu shes pa dang / rjes su rtogs pa dang / kun shes pa de ni shes rab ces bya'o/ /rab kyi rtsal gyis rnam par gnon pa gang 'di ltar mngon par rtogs pa mngon sum du byed pa de ni 'jig rten las 'das pa'i
24b₆ shes rab ces bya ste/ 'jig rten las 'das pa'i shes rab ces ji skad du brjod pa bzhin du ni ma yin no/ /de ci'i phyir zhe na/ 'jig rten nyid kyang mi dmigs na 'jig rten las 'das pa'i shes rab lta ga la yod de/ 'jig rten las
24b₇ 'das pa'i shes rab kyis gang 'jig rten las sgrol bar 'gyur ba lta ci smos de ci'i phyir zhe na/ des 'jig rten mi dmigs pas ci yang sgrol bar mi byed de/ de'i phyir 'jig rten las 'das pa'i shes rab ces bya'o/ /rab kyi rtsal gyis
24b₈ rnam par gnon pa 'jig rten zhes bya ba 'di ni btags pa zhes brjod pa ste/ btags pa ni 'jig rten las yang dag par 'das pa ma yin gyi/ btags pa thams cad las yang dag par 'das pa ni 'jig rten las 'das pa

_{iiif viewer powered by OpenSeadragon}

24a - 25a

Texts on this page