| e-texts navigator |
| བོད་ཡིག |
23b1 can rnams la bde ba nye bar bsgrub par 'tshal ba'i slad du shes rab kyi pha rol du phyin pa zhu lags so/ /bcom ldan 'das byang chub sems dpa' rnams kyi don 'di yang dag par mthong bas bdag gis de bzhin gshegs pa la
23b2 don 'di zhu lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa
23b3 legs so/ /legs so/ /khyod skye bo phal po che la snying brtse ba'i phyir de bzhin gshegs pa la shes rab kyi pha rol tu phyin pa 'di 'dri ba ni khyod kyi yon tan gyi mtha' rtogs par sla ba ma yin no/ /de'i phyir rab kyi rtsal gyis rnam par gnon
23b4 pa legs par nyon la rab tu yid la zung shig dang ngas khyod la bshad do/ /bcom ldan 'das legs so zhes gsol nas byang chub sems dpa' sems dpa' chen po rab kyi rtsal gyis rnam par gnon pa bcom ldan 'das kyi ltar nyan pa dang /
23b5 bcom ldan 'das kyis 'di skad ces bka' stsal to/ /rab kyi rtsal gyis rnam par gnon pa khyod 'di skad du bcom ldan 'das shes rab kyi pha rol du phyin pa shes rab kyi pha rol du phyin pa zhes bgyi ba/ bcom ldan 'das ji tsam gyis na
23b6 byang chub sems dpa' rnams kyi shes rab kyi pha rol du phyin pa zhes bgyi zhes zer ba ni/ rab kyi rtsal gyis rnam par gnon pa shes rab kyi pha rol du phyin pa ni chos gang gis kyang brjod par bya ba ma yin te/ shes rab kyi pha rol du
23b7 phyin pa ni tshig thams cad las 'das pa'o/ /rab kyi rtsal gyis rnam par gnon pa shes rab kyi pha rol tu phyin pa ni 'di shes rab kyi pha rol du phyin pa'o/ /'di'i shes rab kyi pha rol du phyin pa'o/ /'dis shes rab kyi pha rol du
23b8 phyin pa'o/ /'di'i phyir shes rab kyi pha rol du phyin pa'o zhes brjod par mi nus so/ /rab kyi rtsal gyis rnam par gnon pa 'di ni chos thams cad kyi pha rol du phyin pa yin te/ de'i phyir shes rab kyi pha rol du phyin pa zhes
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa