| e-texts navigator |
| བོད་ཡིག |
23a1 the tshom thams cad gcod pa la mkhas pa'i sems can rnams dang / byang chub sems dpa' sems dpa' chen po rnams kyi slad du bcom ldan 'das bdag de bzhin gshegs pa la zhu lags so/ /bcom ldan
23a2 'das sems can gang dag sangs rgyas kyi ye shes la yang rlom sems su mi bgyid cing mngon par mi zhen la chags par mi gnas shing / rlom sems thams cad las yang dag par 'das pa'i lam la gnas pa/
23a3 lam du zhugs pa/ lam ston pa'i sems can rnams dang / byang chub sems dpa' sems dpa' chen po de dag gi slad du bcom ldan 'das bdag de bzhin gshegs pa la zhu lags so/ /bcom ldan 'das bdag ni sems can thams
23a4 cad la bde ba dang / ltag na ma mchis pa'i bde ba dang / bla na ma mchis pa'i bde ba dang / mya ngan las 'das pa'i bde ba dang / sangs rgyas kyi bde ba dang / 'dus ma bgyis kyi bde ba nye bar bsgrub par 'tshal te/ bdag sems can thams cad kyi
23a5 don dang / sman pa dang / bde ba dang / grub pa dang / bde ba'i slad du de bzhin gshegs pa la zhu lags so/ /bcom ldan 'das bdag ni the tshom ma mchis par 'tshal zhing the tshom ma mchis nas kyang sems can rnams kyi the tshom rab tu
23a6 spang ba'i slad du chos bshad par 'tshal te/ bcom ldan 'das bdag sems can thams cad kyi the tshom bsal ba'i slad du bcom ldan 'das la zhu lags so/ /de ci'i slad du zhe na/ bcom ldan 'das sems can thams
23a7 cad ni sdug bsngal dang mi mthun zhing bde ba 'tshal la/ sems can thams cad ni bde ba don du gnyer ba lags te/ bcom ldan 'das shes rab ma gtogs par gzhan sems can rnams kyi bde ba gang yang bdag gis
23a8 ma mthong zhing / bcom ldan 'das byang chub sems dpa'i theg pa theg pa chen po ma gtogs par gzhan sems can rnams kyi bde ba gang yang ma mchis te/ bcom ldan 'das bdag gis don gyi dbang 'di mthong bas sems
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa