| e-texts navigator |
| བོད་ཡིག |
22b1 thob kyis 'jal ba rnams kyi slad du ma lags/ rnyed pa las rnyed pa sgrub pa rnams kyi slad du ma lags te/ bcom ldan 'das sems can de lta bu rnams kyi slad du bdag de bzhin gshegs pa la zhu ba ma lags so/ /bcom ldan 'das
22b2 sems can gang dag thams cad mkhyen pa'i ye shes tshol ba dang / chags pa ma mchis pa'i ye shes dang / rang byung gi ye shes dang / mi mnyam pa dang mnyam pa'i ye shes dang / bla na med pa'i ye shes tshol ba de dag dang / gang dag
22b3 bdag dang pha rol kyang mi dmigs na/ bdag la stod pa dang / gzhan la smod pa lta ga la mchis te/ bcom ldan 'das rwa bcad pa lta bur nga rgyal ma mchis pa/ zug rngu phyung ba/ gdol lta bur sems dma' ba/ sems sa dang chu dang
22b4 me dang rlung dang nam mkha' dang mtshungs pa'i sems can rnams dang / byang chub sems dpa' sems dpa' chen po rnams kyi slad du bdag de bzhin gshegs pa la zhu lags so/ /bcom ldan 'das gang dag chos kyang mi dmigs
22b5 shing / rlom sems su mi bgyid la mngon par zhen pa ma mchis na/ chos ma lags pa lta ga la mchis te/ byang chub sems dpa' sems dpa' chen po de dag gi slad du bdag de bzhin gshegs pa la zhu lags so/ /bcom
22b6 ldan 'das bsam pa dag pa/ g.yo ma mchis pa/ sgyu ma mchis pa/ drang ba sems mnyam pa/ sems can thams cad la sman pa dang / snying brtse ba can yang dag par 'dzin du stsol ba/ yang dag par gzeng bstod pa/ yang dag par dga'
22b7 bar bgyid pa/ khur chen po khyer ba/ theg pa chen po la mngon par zhugs pa/ bgyi ba chen pos so sor nye bar gnas pa/ snying rje chen po dang ldan pa/ sems can thams cad bde ba thob par bgyid pa 'dren pa/ rnam par 'dren pa/ yongs su 'dren pa/
22b8 chos thams cad la mi rten par gnas pa/ skye ba'i gnas thams cad mi tshol ba/ bdud kyi zhags pa thams cad las rnam par grol ba/ 'dun pa can brtson 'grus dang ldan pa/ bag mchis pa/ chos thams cad kyi dam pa'i pha rol du phyin pa/
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa