| e-texts navigator |
| བོད་ཡིག |
21a1 shig dang / dris pa de dang de'i lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po rab kyi rtsal gyis rnam par
21a2 gnon pas 'di skad ces gsol to/ /bcom ldan 'das shes rab kyi pha rol du phyin pa shes rab kyi pha rol du phyin pa zhes bgyi ba/ bcom ldan 'das ji tsam gyis na byang chub sems dpa' sems dpa' chen po rnams kyi shes rab
21a3 kyi pha rol du phyin pa zhes bgyi/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa lags/ bcom ldan 'das ji ltar na shes rab kyi pha rol du phyin pa la
21a4 spyod pa'i byang chub sems dpa' sems dpa' chen po shes rab kyi pha rol du phyin pa bsgom pa yongs su rdzogs par 'gyur lags/ bcom ldan 'das ji ltar na byang chub sems dpa' sems dpa' chen po shes rab kyi
21a5 pha rol du phyin pa sgom pa na bdud sdig can gyis glags mi rnyed cing bdud kyi las thams cad kyang rtogs par 'gyur lags/ bcom ldan 'das byang chub sems dpa' sems dpa' chen po shes rab kyi pha rol du phyin pa la
21a6 gnas pa ji lta bus gnas na myur du thams cad mkhyen pa nyid kyi chos rnams yongs su rdzogs par 'gyur lags/ de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal
21a7 gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa khyod byang chub sems dpa' sems dpa' chen po rnams kyi don dang / ci nas khyod skye bo mang po la phan pa dang / skye bo mang po la
21a8 bde ba dang / 'jig rten la snying brtse ba dang / lha dang mi rnams kyi skye bo phal po che'i don dang phan pa dang bde ba'i phyir zhugs shing / da ltar gyi dang / ma 'ongs pa'i byang chub sems dpa' sems dpa' chen po rnams la snang bar byed par 'dod pas
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa