| e-texts navigator |
| བོད་ཡིག |
105b1 klu'i rgyal po de dag kyang de lta de lta bur de 'dra ba'i bkod pa byas nas longs spyod kyi phyir nye bar 'gro'o/ /rab kyi rtsal gyis rnam par gnon pa de bzhin du chos kyi rnam grangs 'di ni 'di lta ste/ mi'i dbang po mi cang shes rnams kyis klog pa dang bshad pa dang rab tu
105b2 bstan pa'i nye bar spyod pa dang longs spyod du 'gyur te/ chos kyi rnam grangs 'di ni de dag gi bkod pa chen po dang rgyas pa chen po dang chos kyi snang ba byed par 'gyur/ de dag chos kyi rnam grangs 'di la chos kyi dga' ba bdun po myong bar 'gyur ro/ /gang chos kyi rnam
105b3 grangs 'di las tshul gcig tsam 'dzin pa de dag kyang mchog tu dga' ba dang ldan par 'gyur na gang thams cad rdzogs par bris pa dang 'dzin pa dang 'chang ba dang mchod pa dang rgyas par byed pa lta ci smos/ chos kyi rnam grangs 'dis mi'i dbang po dang mi cang shes
105b4 de dag bzung bar 'gyur ro/ /'di ni cang shes ma yin pa rnams kyi spyod yul ma yin no/ /rab kyi rtsal gyis rnam par gnon pa 'di ni the tshom thams cad gcod pa'i phyir ngas de dag smras so/ /chos kyi rnam grangs 'di bshad pa na/ byang chub sems dpa'
105b5 du ma dpag tu med pa dag gis mi skye ba'i chos la bzod pa thob par gyur to/ /sems can grangs med dpag tu med pa dag gis bla na med pa yang dag par rdzogs pa'i byang chub tu sems bskyed de/ de dag byang chub tu nges par 'gyur ba de bzhin
105b6 gshegs pas bstan to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po rab kyi rtsal gyis rnam par gnon pa dang / 'khor bzhi dang / lha dang mi dang lha ma yin dang klu dang gnod sbyin dang
105b7 dri za dang / nam mkha' lding dang / mi 'am ci dang / lto 'phye chen po dang bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /phan yon gyi le'u zhes bgyi ste bdun pa'o// //'phags pa rab kyi rtsal gyis
105b8 rnam par gnon pas zhus pa/ shes rab kyi pha rol du phyin pa rdzogs so// //rgya gar gyi mkhan po shI len dra bo d+hi dang / dzi na mi tra dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// //
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa