| e-texts navigator |
| བོད་ཡིག |
104b1 gcad pa'i phyir byin gyis brlab pa mdzad do/ /de nas bcom ldan 'das 'dzum pa mdzad pa dang / stong gsum gyi stong chen po'i 'jig rten gyi khams 'di snang ba chen pos khyab par gyur to/ /lha rnams kyis kyang mi mthong / mi rnams
104b2 kyis kyang lha mthong ngo / /gang der 'dus pa'i lha dang / klu dang gnod sbyin dang dri za dang lha ma yin dang / nam mkha' lding dang mi 'am ci dang / lto 'phye chen po de dag thams cad kyis lha'i me tog bcom ldan 'das la gtor/ lha'i gos
104b3 kyang phul nas sgra skad chen po phyung ste/ a la la de bzhin gshegs pas bdud sdig can rnams kyi spyod yul ma lags pa byin gyis brlabs pa 'di ni byin gyis rlabs chen po lags te/ chos kyi byin gyi rlabs 'dis bdud kyi
104b4 zhags pa thams cad bkum mo/ /rigs kyi bu 'am rigs kyi bu mo de dag bdud sdig can gyis 'jigs so snyam du dogs par mi bgyi'o/ /gang chos kyi rnam grangs 'di 'dzin pa dang klog pa dang gzhan dag la yang rgya
104b5 cher yang dag par rab tu ston pa'i byang chub sems dpa' de dag ni bdud sde dang bcas pa las rgal bar 'gyur lags so/ /gang chos kyi rnam grangs 'di 'dzin pa dang / klog pa dang gzhan la yang rgya cher yang dag par ston pa
104b6 de dag ni bdud sdig can sde dang bcas pa las rgyal bar 'gyur ro/ /de nas bcom ldan 'das kyis byang chub sems dpa' rab kyi rtsal gyis rnam par gnon pa la 'di skad ces bka' stsal to/ /de de bzhin no/ /rab kyi
104b7 rtsal gyis rnam par gnon pa de de bzhin te/ lha'i bu de dag gis tshig ji skad smras pa bzhin te/ rab kyi rtsal gyis rnam par gnon pa de bzhin gshegs pas chos kyi rnam grangs 'di la bdud sdig can rnams kyi mtshams
104b8 bcad do/ /rab kyi rtsal gyis rnam par gnon pa rigs kyi bu 'am rigs kyi bu mo gang chos kyi rnam grangs 'di 'dzin pa dang 'chang ba dang klog pa dang gzhan la yang rgya cher yang dag par rab tu ston pa de dag ni bdud sdig can
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa