| e-texts navigator |
| བོད་ཡིག |
104a1 te/ sems can chos kyis phongs par 'gyur ba'i las dang ldan pa phal cher 'byung / log par chags/ shing brkam pa/ log pa'i 'dod chags kyis chags pa/ chos ma lags pa la 'dod chags kyis chags pa/
104a2 phrag dog dang 'dod pas yongs su zin pa'i sems dang ldan pa/ khro ba gtum pa/ brlang ba bka' blo mi bde ba/ g.yon can mi srun pa sgyu can/ chos ma lags pa spyod pa dang / 'thab pa dang / rtsod pa dang mtshang 'dru ba dang / 'dreg pa mang ba/
104a3 sdom pa la mi gnas pa/ 'dod pa dang / brkam pa'i zil gyis gnon pa/ le lo can/ brtson 'grus chung ba/ dran pa nyams pa/ shes bzhin can ma lags pa/ gcam bu mu cor smra ba/ kha bar can/ sdig pa'i las khong na sbed cing /
104a4 'chab pa/ 'dod chags dang / zhe sdang dang gti mug che ba/ ma rig pa'i sgo nga'i sbubs dang / gti mug gi mun nag gi zil gyis gnon pa/ bdud kyi phyogs dang 'thun par spyod pa/ chos 'dul ba zab mo chos rin po che'i mdzod 'di
104a5 la phyir rgol ba 'byung / mi stsu ba'i ngang tshul can 'byung lags mod kyi/ bcom ldan 'das bdag cag rnams de bzhin gshegs pas bskal pa bye ba khrag khrig 'bum phrag mang por dge ba'i rtsa ba bsgrubs pa bla na med pa'i chos
104a6 rin po che'i mdzod 'di 'dzin cing klog par spro lags so/ /gang dag tha ma'i dus de na chos 'di tshol ba chos 'di la slob 'tshal ba/ g.yo ma mchis pa drang ba/ sgyu ma mchis pa gang srog gi phyir yang mi gtong ba/ chos 'di lta bu la mi
104a7 rgol ba chos kyi rnam grangs 'di spong bar mi 'gyur ba/ chos kyi rnam grangs 'di la rgyab kyis phyogs par mi 'gyur ba ni rab tu nyung bar 'gyur te/ de dag gi don bgyi zhing spro ba bsal nas/ chos 'di lta bu la yang dag par gzeng stod par
104a8 bgyi/ yang dag par rab tu dga' bar bgyi lags so/ /de nas bcom ldan 'das de'i dus na chos kyi gnas shes rab kyi pha rol du phyin pa bstan pa 'di byin gyis brlabs te chos kyi rnam grangs 'di la bdud sdig can rnams kyi zhags pa
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa