| e-texts navigator |
| བོད་ཡིག |
103b1 thob par 'gyur ro/ /rab kyi rtsal gyis rnam par gnon pa shes rab kyi pha rol du phyin pa la brtson pa shes rab kyi pha rol du phyin pa la spyod pa'i byang chub sems dpa' thams cad kyi the tshom gcod pa'i phyir ngas
103b2 phyag rgya 'di bzhag go/ /rab kyi rtsal gyis rnam par gnon pa phyi ma'i tshe phyi ma'i dus lnga brgya pa tha ma la nga'i nyan thos rnams shes rab kyi pha rol du phyin pa 'di 'dzin mi nus pa'i phyir ngas phyag rgya 'di bstan cing byin
103b3 gyis brlabs so/ /de nas bcom ldan 'das kyis bzang skyong dang / ded dpon bzang po la sogs pa byang chub sems dpa' lnga brgya dang / byang chub sems dpa' sems dpa' chen po rab kyi rtsal gyis rnam par gnon pa la
103b4 bka' stsal pa/ rigs kyi bu dag khyed kyis de bzhin gshegs pa yongs su mya ngan las 'das nas phyi ma'i tshe phyi ma'i dus dam pa'i chos nub cing rab tu rnam par 'jig ste/ zad par 'gyur ba'i dus na de bzhin gshegs
103b5 pas bskal pa bye ba khrag khrig 'bum phrag mang por yang dag par bsgrubs pa'i chos rin po che'i mdzod/ shes rab kyi pha rol du phyin pa sngon du 'gro ba shes rab kyi pha rol du phyin pa 'byung ba shes rab kyi pha rol du phyin pa'i gnas
103b6 'di gzung ba dang gzhan la yang rgya cher yang dag par ston nus sam/ de skad ces bka' stsal pa dang / bcom ldan 'das la byang chub sems dpa' de dag gis 'di skad ces gsol to/ /bcom ldan 'das bdag cag gis de bzhin
103b7 g shegs pas bskal pa bye ba khrag khrig 'bum phrag mang por yang dag par bsgrubs pa bla na med pa'i chos rin po che'i mdzod shes rab kyi pha rol du phyin pa'i sngon du 'gro ba shes rab kyi pha rol du phyin pa 'byung ba shes rab
103b8 kyi pha rol du phyin pa'i gnas 'di gzung ba dang / gzhan dag la yang rgya cher yang dag par rab tu ston pa'i rngo thogs lags so/ /bcom ldan 'das dus de ni 'jigs pa chen po mya ngan chen po ma rungs pa chen por 'gyur
iiif viewer powered by OpenSeadragon
Texts on this page
J15 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa