| e-texts navigator |
| བོད་ཡིག |
335a1 tu gsungs/ /bden pa de yis 'dir ni dge bar shog /gang zag chen po brgyad po rab bsngags shing / /gang zag zung bzhir brjod pa de dag ni/ /drang srong chen po gang zag mtshungs med pa/ /bde bar gshegs pas
335a2 sbyin pa'i gnas shes gsungs/ /de la byin na 'bras bu cher 'gyur te/ /zhing rab gshin las sa bon btab pa bzhin/ /'di ni dge 'dun rin chen mchog tu gsungs/ /bden pa de yis 'dir ni dge bar shog /gang dag brtan pa'i
335a3 yid kyis rab brtson zhing / /gau ta ma'i bstan la 'jug byed pa/ /de dag thos nas bdud rtsi mchog thob ste/ /mun pa bsal nas mya ngan 'das thob pa/ /de bas dge 'dun rin chen mchog tu gsungs/ /bden pa de yis 'dir ni
335a4 dge bar shog / lta ba 'di la sbyar ma thag tu ni/ /'jig tshogs lta dang tshul khrims brtul zhugs dang / /the tsom dang ni nyon mongs gsum po dag /gcig char spangs te 'phags pa'i bden mthong ba/ /des na dge 'dun rin
335a5 chen mchog tu gsungs/ /bden pa de yis 'dir ni dge bar shog /lus sam ngag gam 'on te yid kyis kyang / /sdig pa rnam gsum nam yang mi byed ci nga / /blo bur byas na'ang 'chab par mi byed la/ /de ltar
335a6 de la lta bas 'dzin mi byed/ /des na dge 'dun rin chen mchog tu gsungs/ /bden pa de yis 'dir ni dge bar shog /ji ltar dbang po'i sdong po sar btsugs pa/ /phyogs bcu'i rlung rnams kyis ni mi
335a7 g.yo ltar/ /'phags pa'i lam gyi dam pa mthong ba yi/ /gang zag 'phags pa'i dge 'dun de bzhin no/ /des na dge 'dun rin chen mchog tu gsungs/ /bden pa de yis 'dir ni dge bar shog /shes
335a8 rab zab mos shin tu bstan pa yi/ /'phags pa'i bden pa su dag rnam sgom zhing / /lus kyang sbyin par yid la byas pas ni/ /de dag 'jigs pa brgyad dang phrad mi 'gyur/ /de bas dge 'dun rin chen mchog tu
iiif viewer powered by OpenSeadragon
Texts on this page
J8(g) - stong chen mo rab tu 'joms pa las gsungs pa'i smon lam