rKTs

e-texts navigator

Volume

Page

89a₁ te de na gcig 'di skad ces kho mo ni phrin phar yang mi skyel la/ phrin tshur yang mi skyel lo zhes zer na de gnyis las gang phrin phar yang skyel bar byed cing / phrin tshur yang skyel bar byed pa de la de dge 'dun lhag mar 'gyur la/
89a₂ gang phrin phar yang skyel bar mi byed la phrin tshur yang skyel bar mi byed pa de la nyes pa sbom po gcig tu 'gyur ro/ /dge slong ma gnyis kyis gnyi gas spring ba mnos te gnyi gas phrin phar ni skyel bar byed la/ phrin tshur ni skyel bar mi byed na
89a₃ gnyi ga la nyes pa sbom po gnyis gnyis su 'gyur ro/ /dge slong ma gnyis kyis gnyi gas spring ba mnos te/ de na gnyi gas 'di skad ces bdag cag gnyi ga phrin phar skyel bar yang mi byed la phrin tshur skyel bar yang mi byed do/ /zhes zer
89a₄ na gnyi ga nyes pa sbom po re rer 'gyur ro/ /dge slong ma gcig skyes pa gcig bud med gcig dang 'dron lam du 'gro ba na gal te bud med des dge slong ma de la 'di skad ces 'phags ma khyod skyes pa 'di la 'di skad ces khyod bud med
89a₅ 'di'i khyo 'am/ mdza' bo 'am/ smos 'drin gyis shig ces par nus sam zhes smras la/ gal te dge slong ma des spring ba rnam pa de lta bu mnos nas phrin phar skyel bar byed dam/ phrin tshur skyel bar byed na dge 'dun lhag mar 'gyur ro/ /de
89a₆ bzhin du skyes pa des dge slong ma de la 'di skad ces 'phags ma khyod bud med 'di la 'di skad ces khyod skyes pa 'di'i chung ma 'am/ mdza' na mo 'am/ smos 'drin gyis shig ces zer nus sam zhes smras la/ gal te dge slong ma des
89a₇ spring ba rnam pa de lta bu mnos te phrin phar skyel bar byed dam/ phrin tshur skyel bar byed na dge 'dun lhag mar 'gyur ro/ /dge slong ma gcig dang / bud med gcig dang / skyes pa gcig la ji lta ba de bzhin du dge slong ma gnyis
89a₈ dang / bud med gnyis dang / skyes pa gnyis dang / de bzhin du dge slong ma rab tu mang po dang / bud med rab tu mang po dang / skyes pa rab tu mang po la yang rgyas par brjod par bya'o/ /lam du 'gro ba ji lta ba bzhin du sdod pa dang /

_{iiif viewer powered by OpenSeadragon}

88b - 89b

Texts on this page