rKTs

e-texts navigator

Volume

Page

87a₁ zhes bya'o/ /ming pos bsrungs pa'i mdza' na mo gang zhe na/ 'di lta ste/ bud med dam/ gzhon nu ma gang zhig gang gi tshe khyim thab smyos par gyur tam/ sems 'khrugs pa 'am zhes bya ba nas/ pha ma shi bar gyur pa na de la
87a₂ ming pos bdag gis 'di la 'ga' zhig gis zhes bya ba nas/ 'dod pa'i phyir spyod par mi 'gyur bar bya'o snyam nas bsrungs shes bya ba'i bar 'di ni ming pos bsrungs pa'i mdza' na mo yin no/ /ming pos bsrungs pa ji lta ba bzhin du phu
87a₃ nu mos bsrungs pa yang brjod par bya'o/ /sgyug mos bsrungs pa'i mdza' na mo gang zhe na/ 'di lta ste/ bud med dam gzhon nu ma gang zhig gang gi tshe khyim thab smyos par gyur tam/ sems 'khrugs par gyur ces bya ba nas/ pha ma
87a₄ shi bar gyur tam/ ming po dang phu nu mo shi bar gyur pa na de la sgyug mos 'di skad ces bdag gi bu la lta ba ji lta bar khyod la yang de lta bu yin pas khyod kyi bza' ba dang bgo ba bdag gis sbyar gyis mna' ma dga' bar gyis shig /
87a₅ mna' ma 'dug par gyis shig ces smras nas/ bdag gis 'di la 'ga' zhig gis ma brtags par nan gyis btsan thabs su 'dod pa'i phyir spyod par mi 'gyur bar bya'o/ /snyam nas bsrungs shin du bsrungs/ sbas shin du sbas par gyur pa 'di ni
87a₆ sgyug mos bsrungs pa zhes bya'o/ /sgyug mos bsrungs pa ji lta ba bzhin du gyos pos bsrungs pa yang brjod par bya'o/ /nye dus bsrungs pa'i mdza' na mo gang zhe na/ 'di lta ste/ bud med dam gzhon nu ma gang zhig gang gi tshe khyim thab smyos par gyur
87a₇ tam/ sems 'khrugs par gyur ces bya ba nas pha ma shi bar gyur tam/ ming po dang / phu nu mo dang / sgyug mo dang / gyos po shi bar gyur pa na de nye du'i drung du gnas shing / de la nye du rnams kyis bdag cag gis 'di la 'ga' zhig gis ma
87a₈ brtags par nan gyis btsan thabs su 'dod pa'i phyir spyod par mi 'gyur bar bya'o snyam nas bsrungs/ shin du bsrungs/ sbas shin du sbas par gyur pa 'di ni nye dus bsrungs pa'i mdza' na mo zhes bya'o/ /nye du zhes bya ba ni pha mes dang ma mes gnyi

_{iiif viewer powered by OpenSeadragon}

86b - 87b

Texts on this page