| e-texts navigator |
| བོད་ཡིག |
83a1 gzhi de gtong na de lta na legs/ gal te gtong bar mi byed na dge slong ma de yang gnas nas phyung ba'i rjes su 'jug pa'i phyir phas pham par gyur pa yin pas gnas par mi bya'o/ /yang dge slong ma gang zhes bya ba ni
83a2 bcu gnyis sde'o/ /dge slong gang zhig ces bya ba ni thab mo byed pa/ mi bde bar byed pa gre skyes so/ /dge 'dun zhes bya ba ni de bzhin gshegs pa'i nyan thos kyi dge 'dun no/ /gnas nas dbyung ba'i las byas pa zhes bya ba ni gsol ba dang
83a3 bzhi'i las kyis so/ /dge slong ma'i dge 'dun zhes bya ba ni de bzhin gshegs pa'i nyan thos kyi dge 'dun ma'o/ /phyag bya ba'i 'os ma yin pa'i sdom pa bsgo ba zhes bya ba ni gsol ba dang bzhi'i las kyis so/ /dge slong de zhes bya ba ni
83a4 gre skyes so/ /skra 'greng bar gyur/ spu langs par gyur pa las dge 'dun la spu snyol bar byed ces bya ba nas/ shes bzhin du zhes bya ba ni bdag nyid kyis mthong ba 'am/ de la gzhan gyis smras par gyur nas so/ /de lta bas na thab
83a5 mo byed pa ma gtong shig ces bya ba ni zhi bar ma byed ces bya ba'i tha tshig go/ /smras na zhes bya ba ni zer na'o/ /'phags pa khyod ces bya ba ni skra 'greng ba spu langs pa gre skyes so/ /dge 'dun la spu snyol bar ma byed cig ces bya ba nas thab
83a6 mo byed pa ma gtong shig ces bya ba'i bar ni dge 'dun la bzod pa ma gsol cig ces bya ba'i don to/ /bdag gis khyod la lhung bzed dang / chos gos dang zhes bya ba la sogs pa bsnyen bkur bgyi'o zhes bya ba'i bar nas/ dge slong
83a7 ma de la zhes bya ba ni bcu gnyis sde'o/ /dge slong ma rnams kyis shes bya ba ni chos 'di pa'i dge slong ma rnams kyis so/ /de skad bsgo bar bya'o zhes bya ba ni 'di skad ces smra bar bya ste/ bzhams te bsgo ba snga ma ji lta ba bzhin du bsgo bar
83a8 bya ba'o/ /gal te dge slong ma rnams kyis dge slong ma de la de skad bsgo ba na gzhi de gtong na de lta na legs shes bya ba ni bzang ba'o/ /gal te gtong bar ma byed na gzhi de gtong bar bya ba'i phyir lan gnyis lan gsum gyi bar du
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa