| e-texts navigator |
| བོད་ཡིག |
77b1 du bcabs na ji ltar yang rung ste thams cad du phas pham par 'gyur ro/ /dge slong ma'i rnam par 'byed pa las phas pham par gyur pa bdun pa rdzogs s+ho// sangs rgyas bcom ldan 'das mnyan yod na rgyal bu rgyal byed
77b2 kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na dge slong gre skyes shes bya ba zhig gnas pa thab mo byed pa/ mtshang 'dru bar byed pa/ 'gyed par byed pa/ rtsod par byed pa/ thab krol byed pa des dge 'dun rnams
77b3 kyis gnas nas dbyung ba'i las byas so/ /dge slong gre skyes gnas nas dbyung ba'i las byas par skye dgu'i bdag mo chen mo gau ta mIs thos so/ /thos nas kyang bcom ldan 'das gang na ba der song ste phyin nas bcom ldan 'das kyi zhabs la
77b4 mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la skye dgu'i bdag mo chen mo gau ta mIs 'di skad ces gsol to/ /btsun pa dge slong 'ga' zhig dge 'dun gyis gnas nas dbyung ba'i las bgyis
77b5 par gyur na de la bdag gis ji ltar bsgrub par bgyi/ bcom ldan 'das kyis bka' stsal pa/ mthong bar gyur na phyag mi bya bar stan las ldang bar bya'o/ /btsun pa dge slong gre skyes 'di thab mo bgyid pa/ mtshang 'dru bar bgyid pa/ 'gyed par
77b6 bgyid pa/ rtsod par bgyid pa/ 'thab krol bgyid pa/ dge slong ma rnams dang shin du 'dre bas lhan cig gnas par gyur te/ dge slong gi dge 'dun rnams kyis de gnas nas dbyung ba'i las bgyis par gyur na de la bdag cag gis ji ltar
77b7 bsgrub par bgyi/ bcom ldan 'das kyis bka' stsal pa/ phyag bya ba'i 'os ma yin pa'i sdom par bya'o/ /bcom ldan 'das kyis bka' stsal pa/ de dag gis ma shes nas bcom ldan 'das kyis bka' stsal pa/ gnas
77b8 mal bshams par byas nas gaN DI brdungs te dris pa'i tshig gis dge slong ma rnams la yang dag par bsgo nas/ dge 'dun ma thams cad 'dug cing 'thun par gyur pa la dge slong ma cig gis gsol ba byas te las bya'o/ /'di ltar bya
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa