| e-texts navigator |
| བོད་ཡིག |
77a1 bcu yang dag par gzigs nas nyan thos ma'i 'dul ba la bslab pa'i gzhi bca' bar mdzad do zhes bya ba nas/ bslab pa bcas pa rgyas par brjod par bya'o/ /yang dge slong ma gang dge slong ma'i ltung ba shes bzhin du 'chab par byed
77a2 cing gang gi tshe dge slong ma de shi bar gyur tam/ nyams sam/ 'khyams sam/ 'phos par gyur pa de'i tshe dge slong ma des 'di skad ces dge slong ma de la ltung ba 'di lta bu dang 'di lta bu dag byung bar snga nas shes so zhes de skad zer na dge slong
77a3 ma de yang kha na ma tho ba bcabs pas phas pham par gyur pa yin gyis gnas par mi bya'o/ /yang dge slong ma gang zhes bya ba ni mdza' can ma 'am/ de lta bu dang 'thun pa dag go/ /dge slong ma zhes bya ba ni mdza' mo 'o/ /ltung ba zhes bya ba
77a4 ni brgyad po dag las gang yang rung ba'o/ /shes bzhin du zhes bya ba ni bdag nyid kyis mthong ba 'am/ de las gzhan gyis smras par gyur nas so/ /bcabs na zhes bya ba ni khyud nas so/ /gang gi tshe dge slong ma de shi bar gyur tam zhes bya ba ni de'i srog
77a5 gi dbang po 'gags par gyur pa'o/ /nyams sam zhes bya ba ni bslab pa phul ba'o/ /'khyams sam zhes bya ba ni yul btang bar gyur na'o/ /'phos par gyur ces bya ba ni gzhan mu stegs can gyi gnas la rten pa'o/ /de'i tshe dge slong ma
77a6 de zhes bya ba ni mdza' can ma'o/ /dge slong ma 'di zhes bya ba ni chos 'di pa rnams kyi'o/ /'di la ltung ba 'di lta bu dang 'di lta bu dag byung bar snga nas shes so/ /zhes bya ba ni brgyad po dag las gang yang rung ba dag go/ /de skad zer na zhes
77a7 bya ba ni smras na'o/ /dge slong ma zhes bya ba ni gang la dge slong ma'i dngos po yod pa de'o/ /dge slong ma'i dngos po gang zhe na/ bsnyen par rdzogs pa'o/ /bsnyen par rdzogs pa gang zhe na/ gzhan thams cad rgyas par brjod par bya'o/ /
77a8 de zhes bya ba ni bstan pa dang / nye bar bstan pa'i tshig bla dgas so/ /dge slong ma bcu gnyis po dag tu de bsko bar mi bya'o zhes bya ba'i bar du'o/ /de la ltung bar ji ltar 'gyur zhe na/ dge slong mas dge slong ma'i kha na ma tho ba shes bzhin
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa