rKTs

e-texts navigator

Volume

Page

75a₁ du bsams so/ /de de'i drung du yang dang yang du song nas brda byed/ dus 'debs/ mtshan ma ston par byed cing / 'phyar g.yeng dang / gzhog stegs dang / tsab hral dag kyang byed do/ /de nas spos 'tshong gi khye'u de dus gzhan
75a₂ zhig na sbom dga' mo'i drung du 'ongs pa dang / des de g.yogs te bzhag go/ /de nas sbom dga' mo gtsug lag khang gi phyi rol du song ste rkang lag bkrus nas slob ma dang nye gnas rnams la bsgo ba byas nas spos 'tshong gi khye'u de dang dben
75a₃ par song ste 'dug go/ /re shig na des 'khrig thabs su bcug pa dang / de'i tshe spom dga' mos 'di snyam du bdag dge slong ma rnams kyi gong du 'gro ba gang ci yang rung ba de dag thams cad ni tshul khrims dang / brtul zhugs dang / tshangs par spyod pa
75a₄ la gnas pa'i drin yin na/ gal te da bdag gis rnam pa 'di lta bu'i nyes par spyod pa spyad pas dge slong ma nyams par byas na su zhig bdag la dri bar byed snyam du sems bskyed cing bsams nas sbom dga' mos spos 'tshong gi khye'u de la 'di skad ces smras
75a₅ so/ /bzhin bzang thong thong / de nas spos 'tshong gi khye'u des 'di snyam du gdon mi za bar 'di ni mi bde ba zhig tu 'dug go snyam du bsams nas des kyang btang ngo / /de nas sbom dga' mos rgyab bde bar bzhag ste rkang pa g.yas pa bskums nas spos
75a₆ 'tshong gi khye'u de la rdog pa gcig rgyab nas rtsib ma gnyis bcag go/ /de nas spos 'tshong gi khye'u de khrag tu skyug bzhin du bros te song ngo / /de nas sbom dga' mos dbyar khang gi dbus su 'dug nas bdud bcom mo/ /bdud bcom mo zhes
75a₇ bos so/ /de nas dge slong ma de dag gis thos nas 'di skad ces smras so/ /ci phu nu mo khyod kyis rgyun du zhugs pa'i 'bras bu mngon sum du byas sam/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ 'bras
75a₈ bu'i mchog dgra bcom pa nyid mngon sum du byas/ chung ngu na gzhan dag sangs rgyas kyi bstan pa la dge ba'i rtsa ba bskyed/ des 'di skad ces smras so/ /cang ma yin no/ /de dag gis 'di skad ces smras so/ /'o na khyod kyis

_{iiif viewer powered by OpenSeadragon}

74b - 75b

Texts on this page