| e-texts navigator |
| བོད་ཡིག |
73a1 slar log pa na ri dgas 'dzin gyi bu'i gnas gang yin pa der song ngo / /de nas dge slong ma dge bskos ma des de dag la 'di skad ces smras so/ /kye phu nu mo dag ri dgas 'dzin gyi bu 'dis bdag cag la chos kyi don du gnas dben pa rab tu
73a2 byin snyam na 'dis ni mgo reg mo rnams slas kyi btsun mo lta bur bzhag par bdag gis 'phrigs kyis/ kye phu nu mo dag khyed gang la tshul khrims dgos pa de dag gzhan du deng shig /de dag gis de la dris pa/ de ji zhig /des dge slong
73a3 ma rnams la skabs de rgyas par smras so/ /dge slong ma rnams kyis kyang dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis nga'i gnyi ga'i dge 'dun gyis don shes pa dang / ngas
73a4 bslab pa'i gzhi yang legs par bcas par 'gyur ro snyam nas byung ba 'di dang gleng gzhi 'di dang / dngos po 'di dang / skabs 'di la gnyi ga'i dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pa
73a5 ste/ mkhyen bzhin du rmed kyi mi mkhyen par ma yin/ dus su yin gyi dus su ma yin par ma yin don dang ldan par yin gyi don dang mi ldan par ma yin te/ sangs rgyas bcom ldan 'das rnams ni 'di lta ste/ don dang mi ldan par rmed pa ni chu lon gyis zlog par
73a6 mdzad pa yin no/ /de la sangs rgyas bcom ldan 'das rnams ni 'di lta ste/ don dang ldan pa rmed pa la dus mkhyen pa yin pas sangs rgyas bcom ldan 'das kyis dge slong ma sbom dga' mo la rmas pa/ dge slong ma khyod kyis 'di ltar tshul ma yin pa/
73a7 mi mdzes par byas pa bden nam/ bcom ldan 'das bgyis mad do/ /sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas
73a8 bcom ldan 'das kyi rnam grangs du mas rnam par smad nas dge slong ma'i dge 'dun la bka' stsal pa/ dge slong ma dag de lta bas na phan yon bcu po 'di lta ste/ dge 'dun bsdu bar bya ba'i phyir dang / dge 'dun legs par bya ba'i phyir/ dge
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa