| e-texts navigator |
| བོད་ཡིག |
71b1 dag pa'i smon lam gdab ste/ des na khyed cag gi yon tan gyi tshogs bskyed par 'gyur bas dge slong dag khyed kyis de ltar bslab par bya'o/ /bar sdom la/ zhing pa dang ni rdza mkhan dang / /tshong dpon ras yug 'tsho ba dang / /mchod rten yung gi
71b2 byug pa dang / /smad 'tshong ma dang chen chung dang / /phyug dang 'dod pa chung ba yi/ /sde tshan du ni bstan pa yin/ /phas pham pa brgyad kyi sdom gyi tshigs su bcad pa ste/ sdom la/ mi tshangs spyod dang rku ba dang / /mi gsod pa dang
71b3 brdzun smra dang / /ri dgas 'dzin dang spos 'tshong dang / /mdza' can ma dang gre las skyes/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe ut+pa la'i mdog
71b4 grong khyer chen po drug na smad 'tshong ma byed par gyur pa de'i tshe bram ze zhig de la sems lhag par chags par gyur nas der song ste/ me tog dang / 'bras bu dang / so shing rnams kyis bsnyen bkur byed par gyur to/ /de nas ut+pa la'i mdog gis
71b5 bram ze de la 'di skad ces smras so/ /khyod ni rigs mtho ba yin la/ bdag ni rigs dma' ba yin na/ ci'i phyir 'dir 'ongs/ de skad ces smras pa dang / bram zes ut+pa la'i mdog la 'di skad ces smras so/ /bdag khyod
71b6 dang lhan cig phrad 'dod pa'i phyir ro/ /des 'di skad ces smras so/ /gal te khyod la kar sha pa Na dag yod na phyis nas lhan cig phrad par bya'o/ /de nas bram ze des ut+pa la'i mdog las tshig de thos nas kar sha pa Na'i don du
71b7 ljongs dag tu song ngo / /de nas ut+pa la'i mdog dus gzhan zhig na/ dge ba'i bshes gnyen tshe dang ldan pa maud gal gyi bu chen po la brten nas smad pa'i las rnams spangs te dgra bcom pa nyid kyang thob par gyur to/ /de yang nyin
71b8 par nags tshal thibs por 'dug pa la goms pa yin pas de nas ut+pa la'i mdog nags tshal thibs por nyin par 'dug tu song ngo / /bram ze de yang kar sha pa Na khyer te/ grong dang / grong khyer dang / yul 'khor dang /
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa