rKTs

e-texts navigator

Volume

Page

71a₁ bka' stsal pa/ dge slong dag 'dis las byas shing bsags pa zhes rgyas par bya'o/ /dge slong dag sngon byung ba 'das pa'i dus bskal pa bzang po 'di nyid la skye dgu rnams kyi tshe lo nyi khri thub pa na yang dag par rdzogs pa'i sangs rgyas
71a₂ 'od srung zhes bya ba/ rig pa dang zhabs su ldan pa/ bde bar gshegs pa/ 'jig mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das byung ngo / /de'i gsung rab la 'di rab tu byung bar gyur te/ der 'dis
71a₃ lo stong phrag bcu'i bar du tshangs par spyod pa la gnas shing / yongs su bsrungs kyang mthar thug pa'i ye shes ma bskyed mod kyi 'on kyang 'chi ba'i dus kyi tshe smon lam btab pa/ bcom ldan 'das 'od srung gis bram ze'i khye'u bla ma khyod ma 'ongs pa'i dus na skye dgu
71a₄ rnams kyi tshe lo brgya thub pa na yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de bdag gis mnyes par byed kyi mi mnyes par byed par ma gyur cig ces byas so/ /de na yang dge slong gang gi drung du rab tu 'byung bar byed pa de
71a₅ yang dag par rdzogs pa'i sangs rgyas 'od srung gis 'dod pa chung ba dang / chog shes pa dang / sbyangs pa'i yon tan smra ba rnams kyi mchog tu lung bstan pa de na yang 'dis smon lam btab pa/ yang dag par rdzogs pa'i sangs rgyas 'od srung gis bdag
71a₆ gis mkhan po 'dod chags chung ba dang / chog shes pa dang / sbyangs pa'i yon tan smra ba rnams kyi mchog tu lung bstan pa de bzhin du/ bram ze'i khye'u bla mas rdzogs pa'i byang chub thob pa na bdag kyang lung bstan pa thob par shog shig ces byas
71a₇ so/ /dge slong dag der tshangs par spyod pa la gnas pas de 'di la 'bras bu thob par gyur to/ /der dbang po yongs su smin par byas pas de 'di la rnam par grol lo/ /der smon lam btab pa gang yin pa des de 'di la lung bstan par gyur to/ /
71a₈ dge slong dag de lta bas na gus par lung dbog par bya/ klag par bya/ phung po dang / khams dang / skye mched dang gnas dang / gnas ma yin pa dang / rten cing 'brel bar 'byung ba la mkhas par bya'o/ /de bzhin du yang

_{iiif viewer powered by OpenSeadragon}

70b - 71b

Texts on this page