| e-texts navigator |
| བོད་ཡིག |
67b1 dge slong ma'i 'dul ba rnam par 'byed pa/ bam po lnga pa/ yang zhes bya ba'i bar nas dge slong dag sngon byung ba zhes bya ba nas/ rgyal po zhig rgyal srid byed do zhes bya ba'i bar dang /
67b2 tshong dpon zhig ces bya ba nas/ re shig na grong khyer gyi phyi rol na de'i tshe skyed mos tshal mtshe'u dang me tog mang ba shing gis yongs su bskor bas gtibs pa/ me tog dang / 'bras bu sna tshogs kyi ljon shing mchog tu mdzes pa
67b3 dang ldan pa zhes bya ba'i bar du'o/ /sangs rgyas bcom ldan 'das 'jig rten du mi 'byung ba'i tshe rang sangs rgyas 'jig rten du 'byung bar gyur te zhes bya ba nas/ rang sangs rgyas nad pa zhig ces bya ba'i bar nas sman pa'i
67b4 gan du song ste zhes bya ba'i bar te/ sman pas smras pa/ grong du bzhud cig ces bya ba nas/ tshong dpon gyi skyed mos tshal du 'dug go zhes bya ba'i bar du'o/ /re shig na tshong dpon gyis mthong nas yo byad thams cad sbyar te
67b5 zhes bya ba nas nad sos par gyur to zhes bya ba'i bar du'o/ /yongs su mya ngan las 'das par gyur ces bya ba nas/ sku gdung gi mchod rten byas so zhes bya ba'i bar du'o/ /re shig na tshong dpon gyis mchod rten skya bor mthong
67b6 ste zhes bya ba nas/ chung ma la smras pa zhes bya ba'i bar du'o/ /des de la yung gis byugs nas me tog bkram ste smon lam btab pa/ kye ma'o a la la 'phags pa ji srid 'tsho'i bar du bsnyen bkur bgyis pa dang /
67b7 yongs su mya ngan las 'das nas kyang mchod rten brtsigs te sbyin par bya ba'i chos yongs su btang ba'i dge ba'i rtsa ba 'dis phyug pa dang / nor che ba dang / longs spyod che ba'i khyim du skye bar gyur cig /'dis ji lta bu'i chos rnyed pa de lta bu'i
67b8 chos khong du chud par 'gyur ba dang / 'di bas ches khyad par du 'phags pa'i ston pa mnyes par bgyid kyi mi mnyes par bgyid par ma gyur cig ces byas so/ /dge slong dag de'i tshe tshong dpon gang yin pa de ni 'od srung chen po 'di yin
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa