| e-texts navigator |
| བོད་ཡིག |
67a1 dgu bcu rtsa gcig na skye dgu rnams kyi tshe lo brgyad khri thub pa na yang dag par rdzogs pa'i sangs rgyas rnam par gzigs shes bya ba nas/ sangs rgyas bcom ldan 'das shes bya ba'i bar byung ngo / /de gang gi tshe bla na med pa yang dag par rdzogs
67a2 pa'i byang chub mngon par rdzogs par sangs rgyas pa de'i tshe rgyal po'i pho brang gnyen ldan du byon nas zhes bya ba nas/ rgyal po'i pho brang du zhal zas yongs su longs spyod par zhugs so zhes bya ba'i bar du'o/ /de der byon pa dang re shig na bu mo zhig rnga
67a3 yab 'dzam bu'i chu bo'i gser gyi yu ba can zhig thogs nas/ snam logs su 'dug ste g.yob pa na/ sangs rgyas kyi 'od kyis 'dzam bu'i chu bo'i gser mog mog por byas so/ /ji tsam na bu mo de 'di snyam du bdag lcags las byas pa'i yu
67a4 ba can thogs sam ji snyam du the tshom skyes so/ /de nas rnam par gzigs bshos gsol nas phyir gshegs par gyur pa dang / des yang 'dzam bu'i chu bo'i gser mchog las byas pa'i yu bar mthong ngo / /de nas zla ba gsum 'das
67a5 nas zhes bya ba nas ljongs rgyur gshegs so zhes bya ba'i bar du'o/ /de nas rgyal po gnyen ldan gyis 'dzam bu'i chu bo'i gser las sku gzugs shig byas so/ /re shig na bu mo des gser las byas pa'i sku gzugs de khyer te 'ongs
67a6 pa dang / rnam par gzigs kyi 'od kyis mog mog por byas/ kha dog mi 'dra bar mthong nas zhes bya ba'i bar nas smon lam btab pa/ bdag gis sbyin par bya ba'i chos yongs su btang ba'i dge ba'i rtsa ba 'dis shes bya ba nas/
67a7 'di lta bu'i lus kyi 'od can du 'gyur ba dang zhes bya bar nas/ rang gi 'od kyis mog mog por byed par gyur cig ces bya ba'i bar du'o/ /'dis kyang smon lam gyi dbang gis nga mnyes par byas te mi mnyes par ma byas
67a8 so/ /dge slong dag de lta bas na sangs rgyas dang / chos dang / dge 'dun la bya ba byas pa dang / yang dag pa'i smon lam yang gdab par bya ste zhes bya ba nas/ ser skya'i bu mo bzang mo lta bu'o zhes bya ba'i bar du'o// //
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa