| e-texts navigator |
| བོད་ཡིག |
58a1 bar byed pa 'jig rten na yod pa'i rkun po rkun po chen po gnyis pa yin no/ /gzhan yang rkun po rkun po chen po 'khor lnga brgya dang ldan pa yang ma yin/ 'khor stong dang ldan pa yang ma yin te/ 'khor brgya stong gi sna la song
58a2 nas zhes bya ba snga ma bzhin no/ /dge 'dun gyi rtswa 'am/ shing ngam/ me tog gam/ 'bras bu 'am/ 'od ma 'am/ gzhal ba gang yang rung ba de btsongs shing btsongs shing 'tsho bar yang mi byed la/ des khyim gyi mi gso bar yang mi byed mod kyi 'on
58a3 kyang mi'i chos bla ma med la med bzhin du smra bar byed pa 'di ni 'jig rten na yod pa'i rkun po rkun po chen po gsum pa yin no/ /dge slong dag rkun po gang 'khor brgya dang ldan pa 'am/ 'khor stong dang ldan pa 'am/ 'khor brgya 'am/ stong gi sna la
58a4 song ste/ khyim 'bugs par byed pa snga ma lta bu ni chung ngu yin no/ /rkun po rnams kyi nang na gang dge 'dun gyi rtswa 'am/ shing ngam zhes bya ba snga ma lta bu 'di yang chung ba yin no/ /gang mi'i chos bla ma med la med bzhin du smra ba de ni 'jig rten lha dang bcas pa/ bdud dang bcas pa/
58a5 tshangs pa dang bcas pa/ dge sbyong dang bram zer bcas pa'i skye dgu dang / lha dang / mir bcas pa'i nang na rkun po rkun po chen po yin no/ /'di na gang zhig dgra bcom ma gyur par/ /bdag nyid dgra bcom yin par khas 'che ba/ /de ni lha bcas 'jig rten rkun po
58a6 ste/ /tshul khrims 'chal ba yin par brjod par bya/ /shes rab 'chal ba lus ni zhig gyur nas/ /sems can dmyal ba dag tu skye bar 'gyur/ /de nas bcom ldan 'das kyis byung ba 'di nyid dang / gleng gzhi 'di nyid dang / dngos po 'di nyid dang / skabs
58a7 ' di nyid la gnyi ga'i dge 'dun bsdu bar mdzad de nyan thos ma rnams kyis kun shes pa dang ngas bslab pa legs par bcas par 'gyur ro zhes bya ba phas pham par gyur pa dang po ji lta ba de bzhin du bslab pa bcas pa'i bar rgya cher brjod par
58a8 bya'o/ /yang dge slong ma gang zhig mngon par mi shes shing / yongs su mi shes la/ mi'i chos bla ma mtha' dang / 'phags pa dang / khyad par thob pa dang / shes pa dang / mthong ba dang / reg par gnas pa med la med bzhin du 'di shes so/ /'di
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa