rKTs

e-texts navigator

Volume

Page

56a₁ brtson 'grus brtan pa/ nyag cig dpa' ba/ bsrung ba gcig pu pa gnyis su med pa/ gnyis su mi gsung ba/ zhi gnas dang lhag mthong la gnas pa/ rig pa gsum gsal bar mdzad pa/ bslab pa gsum la legs par bslabs pa/
56a₂ dul ba'i gzhi gsum la mkhas pa/ lam gsum spangs pa/ khams gsum gyi 'dod chags dang bral ba/ mi 'jigs pa bzhis bsnyengs pa med pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos
56a₃ po bzhi la yun ring po nas yongs su sbyang ba mdzad pa/ yan lag lnga spangs pa/ 'gro ba lnga las yang dag par 'das pa/ pha rol du phyin pa drug yongs su rdzogs pa/ yan lag drug dang ldan pa/ rtag tu gnas par bya ba drug gis gnas pa/ byang chub kyi yan lag
56a₄ bdun gyi me tog gis phyug pa/ 'phags pa'i lam yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang
56a₅ sgyur ba las khyad par du 'phags pa rnams kyis chos nyid ni nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas su ni nyams par gyur/ su ni 'phel bar gyur/ su ni gnod par gyur/ su ni nyam nga bar gyur/
56a₆ su ni gnod pa dang / nyam nga ba dang mi bde bar gyur/ gang gis dge ba'i rtsa ba ma bskyed pa ni bskyed par bya/ gang gis dge ba'i rtsa ba bskyed pa rnams ni yongs su smin par bya/ gang gis dge ba'i rtsa ba yongs su smin pa rnams ni thar bar bya/ gang zhig 'phags
56a₇ pa rnams kyi nor gyi dbyig dang bral ba ni 'phags pa'i nor gyi dbang phyug la gzhag par bya/ gang ni mi'i 'bras bu la gnas/ gang ni sangs rgyas kyis 'dul/ gang ni nyan thos kyis 'dul/ gang ni sangs rgyas dang nyan thos kyis 'dul/ gang ni
56a₈ 'dod chags la spyod/ gang ni zhe sdang la spyod/ gang ni gti mug la spyod/ gang ni 'dod chags dang / zhe sdang dang / gti mug la spyod/ gang ni nyes pa rnams kyis gnod par gyur/ gang ni ngan song la gzhol/ gang ni ngan song la 'bab/

_{iiif viewer powered by OpenSeadragon}

55b - 56b

Texts on this page