rKTs

e-texts navigator

Volume

Page

55a₁ brjod kyang rung ste zhes bya ba ni 'chi bar mngon par dga' ba'i mdun du 'chi ba'i bsngags pa brjod pa'o/ /de la 'di skad ces/ kye mi khyod ces bya ba ni bod pa'i tshig dag yin no/ /'tsho ba sdig pa mi gtsang ba 'dis ci zhig
55a₂ bya/ kye mi khyod gson pa bas shi bla'o zhes bya ba de dag ni smad pa'i tshig yin no/ /zer zhing zhes bya ba ni rjod cing ngo / /gzhan yang rgyas par phas pham par gyur pa dang po ji lta ba bzhin du brjod par bya'o/ /gnas par mi bya'o zhes bya ba ni dge
55a₃ slong ma rnams kyis de dang lhan cig tu gsol ba dang / gsol ba dang gnyis dang / gsol ba dang bzhi'i las nyams su myong bar mi bya/ dge slong ma'i las bcu gnyis dag tu bsko bar mi bya ba ste/ des na gnas par mi bya'o zhes gsungs so/ /
55a₄ de ltar na 'di ni phas pham par gyur pa gsum pa yin pas dge slong ma'i 'dul ba la brjod par bya'o/ /gzhan ni dge slong gi 'dul ba ji lta ba de bzhin du brjod do/ /phas pham par gyur pa gsum pa rdzogs s+ho// // sangs rgyas bcom ldan
55a₅ 'das yangs pa can na spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe nya pa lnga brgya 'tsho ba'i don la chu klung yid 'ong ldan la rten cing 'khod do/ /de dag la rgya mo spyod pa dang / spyod pa chen po zhes bya
55a₆ ba gnyis shig yod pa las de dag lan 'ga' ni rgya mo spyod pa 'jud par byed/ lan 'ga' ni spyod pa chen po 'jud par byed do/ /gang gi tshe nya dag nyo ba med pa de'i tshe ni rgya mo spyod pa 'jud par byed la/ gang gi tshe ni nya dag nyo ba
55a₇ yod pa de'i tshe spyod pa chen po 'jud par byed do/ /ji tsam dus gzhan zhig na yangs pa can du dus ston byung nas de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug /nyis brgya lnga bcus ni
55a₈ spyod pa chen po bcug go/ /gang dag gis rgya mo spyod pa bcug pa de dag gis ni nya dang / rul sbal dang / sbal pa dang / chu srin byis pa gsod pa dang / nya kyi ba la sogs pa mang po dag 'di lta ste/ dper na til dang / 'bras

_{iiif viewer powered by OpenSeadragon}

54b - 55b

Texts on this page