rKTs

e-texts navigator

Volume

Page

54a₁ bdag nyid gsod par mi byed/ bdag nyid srog dang bral bar byed du mi 'jug kyang 'chir bcug pa'i sbyor ba snga ma de nyid kyis nyes pa sbom por 'gyur ro/ /gal te de 'di snyam du 'di ltar de yang 'di skad ces zer la bdag ji srid du
54a₂ gson par gyur pa de srid kyi bar du bdag las bsod nams ma yin pa mang du skye bar 'gyur la/ ji srid du bdag las bsod nams ma yin pa mang du skyes pa de srid du sems can dmyal ba rnams su sdug bsngal lhag par rgya che ba dang / lhag par
54a₃ yun ring ba myong bar 'gyur bas gdon mi za bar bdag nyid srog dang bral bar bya'o/ /'di ltar bdag nyid gtang bar bya'o/ /bdag nyid gsad par bya'o/ /bdag nyid srog dang bral bar bya'o snyam du bsams nas/ gal te de bdag nyid gtong bar byed dam/
54a₄ bdag nyid gsod par byed dam/ bdag nyid srog dang bral bar byed na/ 'chir bcug pa'i sbyor ba snga ma de nyid kyis nyes pa sbom por 'gyur te/ tshul khrims 'chal ba la ni de lta bur ro/ /tshul khrims dang ldan pa la ji lta bur zhe na/ 'di ltar yang dge
54a₅ slong ma de dge slong ngam dge slong ma yon tan dang ldan pa la dge sbyong gi 'tsho ba'i yo byad 'ga' zhig 'dod pa'i phyir zhes bya ba snga ma bzhin no/ /de de'i drung du song nas 'di skad ces khyod ni tshul khrims dang ldan pa/ dge ba'i chos can/ yon tan
54a₆ phun sum tshogs pa du ma dang ldan pas khyod yul gzhan du song na yang lo legs pa yin/ mtho ris ni dar gyis chod pa tsam/ thar pa ni yol bas bsgribs pa tsam te lus zhig na yang lha rnams kyi nang du skye bar 'gyur ro/ /khyod mtho ris su skyes
54a₇ nas kyang lha'i gos dang / do shal dang / se mo dos lus brgyan par 'gyur/ lha'i bdud rtsis lus tshim par 'gyur/ lha'i bde ba nyams su myong bar 'gyur ro/ /zhes smras la/ gal te des de la 'o na kho bos ji ltar bya zhes zer ba'i tshe des de la tshur
54a₈ shog bdag nyid thong shig / bdag nyid sod cig /bdag nyid srog dang bral bar gyis shig ces smras la/ gal te de de skad smras pas ji ste bdag nyid srog dang bral bar byed na 'chir bcug pa'i phyir phas pham par 'gyur ro/ /

_{iiif viewer powered by OpenSeadragon}

53b - 54b

Texts on this page