rKTs

e-texts navigator

Volume

Page

52a₁ gam/ de la 'chi ba'i bsngags pa brjod kyang rung ste/ de la 'di skad ces mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang / sems kyi kun du
52a₂ rtog pa dag gis rnam grangs du mas de 'chir bcug gam/ de la 'chi ba'i bsngags pa brjod la/ de yang rtsom pa des shi bar gyur na dge slong ma de yang phas pham par gyur pa yin pas gnas par mi bya'o/ /yang dge slong ma gang zhig ces bya ba ni/ dge slong ma
52a₃ rnam pa bzhi po ming gi dge slong ma dang / khas 'che ba'i dge slong ma dang / slong ba'i phyir dge slong ma dang / nyon mongs pa bcom pa'i phyir dge slong ma zhes bya ba'i bar phas pham pa dang po snga ma ji lta bar snga ma bzhin du brjod do/ /mi 'am zhes bya ba ni gang gis
52a₄ ma'i ltor dbang po drug po 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po thob par gyur pa'o/ /mir chags pa la zhes bya ba ni gang gis ma'i ltor dbang po gsum po 'di lta
52a₅ ste/ lus kyi dbang po dang / srog gi dbang po dang / yid kyi dbang po thob par gyur pa la'o/ /bsams bzhin du zhes bya ba ni rnam par brtags nas so/ /rang gi lag dar nas zhes bya ba ni bdag nyid kyi lag gis so/ /srog bcad dam zhes bya ba ni
52a₆ srog bcad par gyur na'o/ /de la mtshon byin nam zhes bya ba ni ral gri 'am/ spu gri 'am/ chu gri'o/ /de la mtshon thogs pa gnyer tam zhes bya ba ni skyes pa 'am/ bud med dam/ ma ning ngo / /de 'chir bcug gam zhes bya ba ni 'chir gzhug
52a₇ pa'i gang zag ni rnam pa gsum ste/ nad pa dang / tshul khrims 'chal ba dang / tshul khrims dang ldan pa'o/ /nad pa la ji ltar zhe na/ 'di ltar dge slong ma de dge slong ngam/ dge slong ma nad pa la chos gos sam/ dra ba 'am/ phor
52a₈ bu 'am/ ska rags sam/ dge slong gi 'tsho ba'i yo byad gang yang rung ba 'ga' zhig 'dod pa'i phyir de 'di snyam du sems te/ 'di ji srid gson pa de srid du bdag gis thob par mi 'gyur gyis bdag de'i drung du song la 'chir

_{iiif viewer powered by OpenSeadragon}

51b - 52b

Texts on this page