rKTs

e-texts navigator

Volume

Page

49a₁ dge slong nor can las glengs nas ma sha ka lnga 'am/ ma sha ka lnga las lhag pa zhes bya ba'i bar du'o/ /de nas sangs rgyas bcom ldan 'das kyis byung ba 'di dang / gleng gzhi 'di dang / dngos po 'di dang / skabs 'di la gnyi ga'i
49a₂ dge 'dun bsdu ba mdzad do zhes bya ba nas/ gnyi ga'i dge 'dun gyis shes pa dang / ngas 'dul ba la bslab pa'i gzhi legs par bcas par 'gyur ba zhes bya ba'i bar du'o/ /sangs rgyas bcom ldan 'das rnams ni mkhyen bzhin du rmed par mdzad
49a₃ pa ste/ mkhyen bzhin du rmed kyi mi mkhyen par ma yin zhes bya ba'i bar du phas pham pa dang po snga ma ji lta ba bzhin du thams cad brjod par bya'o/ /de bzhin du phan yon bcu zhes bya ba'i bar du phas pham pa dang po ji lta ba bzhin du brjod par bya'o/ /yang dge
49a₄ slong ma gang gzhan dag gis grong na 'dug pa 'am/ dgon pa na 'dug pa ma byin pa rku ba'i rnam grangs su gtogs pa blangs nas/ ji tsam ma byin par blangs pas de rgyal po 'am blon po chen pos bzung nas/ de la 'di skad ces kye dge slong ma khyod ni rkun
49a₅ ma'o/ /byis pa'o/ /blun pa'o/ /rku ba'o zhes zer zhing gsod dam/ 'ching ngam/ spyug kyang rung ste/ dge slong ma de de ltar ma byin par len na/ dge slong ma de yang phas pham par gyur pa yin gyis gnas par mi bya'o/ /yang dge slong
49a₆ ma gang zhes bya ba ni dge slong ma bzhi po ming gi dge slong ma dang / khas 'che ba'i dge slong ma dang / slong ba'i phyir dge slong ma dang / nyon mongs pa bcom pa'i phyir dge slong ma las zhes bya ba'i bar du phas pham pa dang po snga ma ji lta ba de
49a₇ bzhin du brjod par bya'o/ /gzhan dag gis zhes bya ba ni skyes pa dang / bud med dang / ma ning gi'o/ /grong na 'dug pa 'am zhes bya ba ni ra ba'i nang na 'dug pa'o/ /dgon pa na 'dug pa zhes bya ba ni ra ba'i phyi rol na 'dug pa'o/ /
49a₈ ma byin pa zhes bya ba ni de la skyes pa 'am bud med dam ma ning gang gis kyang ma byin pa'o/ /rku ba'i grangs su gtogs pa zhes bya ba ni ma byin pa gang yin pa de rku ba'i grangs su gtogs pa yang yin no/ /blangs na zhes bya ba ni len na'o/ /

_{iiif viewer powered by OpenSeadragon}

48b - 49b

Texts on this page